Cultura

La intención del Conceyu ye que pase a convocase cada 6 meses y non cada 3.

Esti xueves va celebrase la Comisión de Servicios y Derechos Sociales del Conceyu, onde Podemos-EQUO va pidir “esplicaciones pola ausencia del usu del asturianu en distintos ámbitos a lo llargo d’esti mandatu”. La vocera Laura Tuero anunció’l rexistru d’entrugues sobre'l tornéu ATP 250 de tenis, la falta de conteníos na web municipal o la traducción de les ordenances aprobaes a lo llargo d'esti mandatu.

La ‘Biografía de Jovellanos’ yá pue lleese n’asturianu gracies a una iniciativa del Foro Jovellanos, pa lo que contó cola collaboración de la Oficina de Normalización Llingüística. Esti martes presentóse nel marcu del ciclu ‘Ente Fueyes. Ochobre Lliterariu’, actu nel que Xuan Carlos Busto faló de la figura del ilustráu y el so venceyu col idioma

Siete actividaes componen la segunda edición de ‘Ente Fueyes. Ochobre Lliterariu’, qu’arranca esta fin de selmana y va poner el ramu’l día 27. La Fundación Foro Jovellanos del Principado de Asturias incorpórase a esti ciclu entamáu pol Conceyu nel que tamién participa Política Llingüística, l'Academia de la Llingua Asturiana (ALLA) y el Mercado Ecológico y Artesano.

El llunes 26 de setiembre ye’l día últimu pa presentar trabayos al II Premiu de Novela Curtia Andrés Solar. La Conceyalía de Cultura entama esti gallardón con una recompensa de 3.000 euros pa “favorecer y promover la creación lliteraria n’asturianu” y facer alcordanza del de Deva, poeta que nos dexó de manera prematura nel 1984.

Esti añu les alumnes y alumnos que quieran recibir el cursu de Llingua Asturiana de la Universidá Popular van poder facelo esti trimestre de manera presencial en L’Arena en nivel d’iniciación depués de delles ediciones con namái modalidá en llinia. Ésti caltiénse en nivel mediu.

Taba previsto que la cuarta edición se celebrara'l sábadu 17 de setiembre nel Antiguu Institutu.

Burbús, Algaire, Alicia Álvarez o 6 Riales protagonicen dalgunes de les actuaciones de les primeres xornaes del festival de Cimavilla.

El papel importante que xuega la Empresa Municipal de Tresportes (EMTUSA) na normalización del idioma lleva a Iniciativa pol Asturianu a facer delles propuestes a la so xerencia. Asina plantega l’usu de la llingua asturiana na megafonía al tiempu que demanda la so presencia na web y la correición d’un error col nome de la cabecera de la llinia 36.

Dende esti llunes y hasta'l miércoles 7 hai decenes de propuestes programaes.