Cultura

Cultura

Calendariu Xixón Años 70

Los años 70 rellumen nel calendariu del Pueblu d’Asturies y la Oficina de Normalización del 2022

El miércoles 15 va entamar el repartu del mui demandáu calendariu del Muséu del Pueblu d’Asturies y la Oficina de Normalización Llingüística. Per tercer avientu llega esta propuesta n’asturianu qu’amuesa cada mes una semeya de Xixón del fondu fotográficu de la institución, nesta ocasión correspondiente a la década de los 70.

Teatru Xovellanos

El Teatru Xovellanos recupera los abonos pal primer trimestre del 2022

Suspendíos cola llegada de la pandemia de COVID-19, los abonos del Teatru Xovellanos tornen a tar disponibles pa los aficionaos a los espectáculos. Dende’l miércoles 8 van ponese a la venta en dos modelos p’acceder a parte de la programación del primer trimestre del 2022: el xeneral d’artes escéniques y l’especial.

Xixónpolis

La Guía de Programes Educativos de Xixón presenta doce propuestes en llingua asturiana

La Fundación de Cultura, Educación y Universidá Popular, dende'l departamentu d'Educación, recupera la Guía de Programes Educativos de Xixón esti cursu depués del parón del pasáu poles circunstancies de la pandemia. Na estaya de Llingua Asturiana ufre a les escueles doce propuestes d’Infantil a Bachilleratu.

Cartelu cursos UP Xixón 2021-2022 recortáu

La Universidá Popular torna a ufrir el cursu de ‘Llingua asturiana’ en llinia

Esti martes abre’l plazu d’inscripición pa los 126 cursos y talleres qu'ufierta la Universidá Popular, con matriculación escalonada según el centru nel que se celebre. El de ‘Llingua asturiana’ torna a ser en llinia, con clases los martes de 20 a 21.30 hores, y la inscripción va tar disponible dende’l vienres.

Programa del II Festival Al Resve

El Festival Al Resve lleva per segundu añu la cultura asturiana a la cai

Dellos puntos de Cimavilla, coincidiendo coles fiestes de Los Remedios y de La Soledá, van acoyer nes dos fines de selmanes próximes música, teatru y una intervención artística. La cultura y la llingua asturiana protagoniza’l Festival Al Resve, que vive la so segunda edición amestando tradición y renovación.

Cartelu de la XX Fiesta de la Sidra Natural recortáu

El Mercadín abre la XX Fiesta de la Sidra Natural

Esti añu tampoco nun va haber récor mundial d'escanciáu nin preba na Plaza Mayor.

La XX Fiesta de la Sidra Natural va siguir la mesma idea que la del añu pasáu, lloñe entovía d'aquellos multitudinarios eventos qu'acompañaben esta celebración al rodiu de la nuesa bébora nacional. Va entamar mañana cola apertura del Mercadín de la Sidra y la Mazana nos Xardinos de la Reina, plaza'l Marqués y Plaza Mayor.

XXI Festival Internacional de Bandes de Gaites Villa de Xixón

El soníu de les gaites toma la ciudá

Ta celebrándose'l XXI Festival Internacional de Bandes de Gaites Villa de Xixón.

Pages