La iniciativa Cultura Peatonal anima los barrios con actividaes en llingua asturiana

Dende esti llunes y hasta'l miércoles 7 hai decenes de propuestes programaes.

Yá ta en marcha Cultura Peatonal, programa impulsáu pola Fundación Municipal de Cultura, Educación y Universidá Popular en collaboración cola Oficina de Normalización Llingüística, que lleva música, baille, artes escéniques y xuegos tradicionales a parques y requexos de 17 barrios de la ciudá. Al ser en gran parte al aire llibre, l'amenaza d'agua ta condicionando dalgunes actividaes d'estos primeros díes, pero la respuesta del públicu ta siendo bona.

En total tán programaes 48 eventos en diez díes, toos en llingua asturiana o sobre cultura asturiana. L'oxetivu de Cultura Peatonal ye averar esti tipu d'aiciones culturales a aquellos llugaes non avezaos a acoyelos.

Na semeya, representanción de 'Un reló bien cuco' ayeri en Nuevo Roces a cargu de Luz de Gas.