Cultura

Ramón d’Andrés y Miguel Rodríguez Monteavaro son los autores de 'La diversidá llingüística d'España y d'Asturies. Encuesta na ciudá de Xixón, 2017', trabayu que ta disponible agora pa la so consulta gracies a una edición de Trabe. La investigación va presentase en La Buena Letra.

Depués d’un añu d’ausencia poles restricciones, los mazcaritos tornaron a dar color a les cais de Xixón. El conceyu celebra l’Antroxu y les charangues y les carroces van desfilar esti Llunes d’Antroxu, día nel que la folixa s’allarga hasta bien entrada la madrugada.

El Muséu del Pueblu d’Asturies inaugura esti xueves una esposición dedicada a los cortinos. Integrada por 30 semeyes de gran valir documental d’estes construcciones de piedra en seco destinada pa protexer los caxellos pa la producción de miel, incorpora tamién paneles informativos con presencia de la llingua asturiana.

Entá queden 4 places llibre pal cursu ‘Llingua Asturiana’ de la Universidá Popular, que se torna a ufiertar namái en llinia. Hasta’l vienres va tar abierta la matrícula pa ésta y les otres 128 propuestes en delles estayes que conformen el programa que se va desendolcar nos próximos meses n'espacios diferentes del conceyu.

El Conceyu de Xixón dio anuncia del fallu y entregó’l I Premiu de Novela Curtia Andrés Solar Santurio esti llunes 27 d’avientu, cuando se cumplen 37 años de la muerte de “ún de los adelantaos del movimientu de resurrección de la lliteratura en llingua asturiana”. Asina se refirió al autor de Deva’l ganador del gallardón, Milio Rodríguez Cueto, que presentó la obra 'Fortuna' a esti concursu de creación nueva.

La probe presencia del idioma nel programa d’actividaes de les fiestes navidiegues del Conceyu, asina como l’incumplimientu de la toponimia oficial, lleva a Iniciativa pol Asturianu a reclamar un espaciu dignu nos folletos informativos. Llama l’atención tamién sobre la so ausencia na campaña que se ta entamando nes redes municipales.

El miércoles 15 va entamar el repartu del mui demandáu calendariu del Muséu del Pueblu d’Asturies y la Oficina de Normalización Llingüística. Per tercer avientu llega esta propuesta n’asturianu qu’amuesa cada mes una semeya de Xixón del fondu fotográficu de la institución, nesta ocasión correspondiente a la década de los 70.

Suspendíos cola llegada de la pandemia de COVID-19, los abonos del Teatru Xovellanos tornen a tar disponibles pa los aficionaos a los espectáculos. Dende’l miércoles 8 van ponese a la venta en dos modelos p’acceder a parte de la programación del primer trimestre del 2022: el xeneral d’artes escéniques y l’especial.

El Toma 3 acueye la grabación d'estos conciertos en formatu íntimu.

El ciclu Autores nel Camín aporta a la villa.