Cultura

El Muséu del Pueblu d'Asturies acueye una edición nueva d'esta iniciativa, que recupera la carrera familiar Entaína cuatro años depués.

La programación complétase con seminarios, talleres, proyeiciones y alcuentros.

‘Ente fueyes. Ochobre lliterariu’ consolídase y convierte l’entamu de la seronda en Xixón nun momentu de celebración de les nueses lletres y muyeres escritores. La Fundación Muncipal de Cultura, Educación y Universidá Popular entama siete xornaes col asturianu como protagonista, dos d'elles nel Mercáu Artesanu y Ecolóxicu.

El Conceyu y la Fundación CaxAstur algamaron un alcuerdu pa la cesión per un añu de baldre del Palaciu Revillaxixéu. Esti edificiu emblemáticu de la ciudá va acoyer dende Selmana Santa un gran esposición na que los ciudadanos van poder contemplar fondos de les coleiciones municipales agora nun espuestos por falta d’espaciu.

La Feria del Campu y de les Industries Agrícoles, Ganaderes, Forestales y Pesqueres AGROPEC vive la so trentena séptima edición con concursos de ganáu, esposiciones, actividaes pa la reciella y venta de productos. Del vienres 22 al domingu 24 el Recintu Ferial Luis Adaro amuesa’l potencial del sector n'Asturies.

El xueves 14 va abrir la matrícula pal cursu ‘Llingua asturiana: iniciación’ de la Universidá Popular, únicu n’asturianu al nun convocase nesta edición el de ‘Radioteatru n’asturianu’. La ufierta pa esta seronda complétase con otros 127 cursos de música, cultura, gastronomía, teunoloxía, artesanía, pintura, arquiteutura o xardinería.

La XXXII Fiesta de la Sidra Natural echó’l pieslle cola preba de la Plaza Mayor y El Marqués y la entrega de los diferentes reconocimientos. El mayor, l’Eloxu d’Oru, foi pa Sidra Camín, mentes que la Etiquetina más Guapa merecióla Val de Boidesy Antonio Angones, d’El Fugitivo, recoyó’l Tonel d’Oru a toa una trayeutoria.

Xixón disfruta de les sos fiestes. Xixoneses y visitantes acuden a los munchos conciertos y actividaes programaes nuna Selmana Grande qu’arrancó’l domingu cola llectura del pregón por parte de miembros del Club de las Guisanderas y que va tener como momentu central la Nueche de los Fueos el llunes 14 y que va pesllar el martes el restallón.

Una folixa nel Muséu del Pueblu d'Asturies y la gala na Plaza Mayor ponen el ramu al certame qu'esti añu cuenta con agrupaciones de tradición asturiana, bretona y gallega.

La Conceyalía de Cultura convoca una edición nueva del Premiu de Novela Curtia Andrés Solar Santurio, la tercera. Los ciudadanos que quieran participar tienen hasta’l 26 de setiembre, Día Européu de les Llingües, pa unviar les sos creaciones per vía electrónica o postal.