La esposición del Palaciu Revillaxixéu va abrir les sos puertes el 22 de marzu

El Conceyu y la Fundación CaxAstur roblaron el conveniu de collaboración que cede’l Palaciu Revillaxixéu al Ayuntamientu de baldre. El 22 de marzu va abrir les sos puertes la primer esposición que va acoyer la instalación con pieces úniques del fondu municipal.

Va llevar el nome de ‘Orto y ocaso’ y va presentar una etapa decisiva de la historia de la villa como ye la de la industria del vidru y la lloza. Los ciudadanos van poder ver mediu millar d’elementos que guarden el Muséu del Pueblu d’Asturies y nel Muséu Casa Natal de Xovellanos que na so mayor parte nunca se mostraron en públicu.

D’esta forma recúperase pa la villa una llugar tan emblemáticu como’l Palaciu Revillaxixéu. “Al traviés d’esti alcuerdu averámonos a la puesta en marcha d’esi triángulu cultural de primer nivel que componen el Palaciu de Revillaxixéu, Tabacalera y la Casa Natal de Xovellanos”, rescampló l’alcaldesa Carmen Moriyón nel momentu de la firma.

La cesión ye por esta esposición, pero ye prorrogable según los términos del conveniu robláu ayeri. ‘Orto y ocaso: vidrio y loza en Gijón/Xixón’ va abrir al públicu’l vienres 22 y va poder visitase hasta’l 8 de setiembre.