AGROPEC amuesa’l potencial del campu asturianu nel Recintu Ferial Luis Adaro

La Feria del Campu y de les Industries Agrícoles, Ganaderes, Forestales y Pesqueres AGROPEC vive la so trentena séptima edición con concursos de ganáu, esposiciones, actividaes pa la reciella y venta de productos. Del vienres 22 al domingu 24 el Recintu Ferial Luis Adaro amuesa’l potencial del sector n'Asturies.

Numberosu públicu, como ye vezu, ta averándose estos díes a disfrutar de les munches opciones qu’ufre AGROPEC, un clásicu del calendariu ferial xixonés. Una iniciativa enfocada a profesionales, pero tamién a los ciudadanos.

El concursu-esposición de la Güerta Familiar Asturiana, los de oveya suffolk y los de vaques de raza frisona o parda, el monográficu de pita pinta, exhibiciones d’otres races autóctones, esposiciones, venta de productos y actividaes infantiles son dalgunes de les munches opciones pa estos díes. L’horariu de la feria ye de 11 a 20 hores y el preciu d’entrada, 2,5 euros.

Pue consultar el catálogu dixital del XXXVII AGROPEC nesti enllaz.

Na semeya, puestu con productos con certificáu del COPAE n'AGROPEC, que visitó ayeri'l conseyeru de Mediu Rural y Política Agraria, Marcelino Marcos.