Cultura

Cultura

Marta Mori, Xandru Armesto y Alberto Ferrao divulgación III 'Xixón Fala en 3'

Xixón celebró’l Día Internacional de la Llingua Materna falando de too n’asturianu

El sábadu, na xornada previa del Día de la Llingua Materna (21-F), la Oficina de Normalización Llingüística entamó’l III ‘Xixón Fala en 3’, concursu nel que los participantes faen presentaciones de 3 minutos sobre cualquier tema n’asturianu. Arantza Margolles, Xandru Armesto y Alma Hidalgo foron los ganadores.

Liliana Fernández-Peña y Alberto Ferrao

La Universidá Popular ufierta 128 cursos presenciales y en llinia, ente ellos el básicu de Llingua Asturiana

Yá ta abierta la convocatoria de la Universidá Popular pa esti iviernu-primavera, que se va pesllar el día 26. En total ufiértense 128 cursos a metá d'aforu en diferentes centros municipales de la villa, de los que per primer vegada 12 van ser en llinia, ente ellos el de Llingua Asturiana, de nivel básicu, los martes a les 20 hores.

Sardina Antroxu 2021

Xixón celebra l’Antroxu más caseru

Tamos n’Antroxu y, magar que les circunstancies que tamos viviendo nun conviden a la folixa, sí que esta celebración de raigañu tradicional nun pasa de llargu. Los postres y productos típicos d’estes feches manden nos llares y les estatues de la ciudá amazcaritáronse por nós.

Proyeutu ganador III Premiu Fierro Botas a la Meyor Idea Normalizadora

L’ALLA detalla’l conveniu robláu col Conceyu pa la normalización social del asturianu

El 1 d’avientu la xunta de gobiernu llocal dio’l preste a un conveniu cola Academia de la Llingua Asturiana (ALLA) –que nun ye de naturaleza económica– con vixencia hasta’l 31 d’avientu, prorrogable añu a añu hasta'l 2023. El testu afita la collaboración na normalización social del asturianu y l’asesoramientu llingüísticu de la institución al Conceyu.

Cartelu Antroxu 2021

‘Esto nun ye l’Antroxu de Xixón’, recuerda’l cartelu d’una celebración marcada pola pandemia

Xixón va celebrar l’Antroxu, pero non de la manera na que venía faciendo estes décades tres la recuperación nel 1981 d’esti festexu de raigañu tradicional. La pandemia obliga a non contar con actividaes na cai, situación estraña que’l Conceyu reflexa nel cartelu d’esti añu baxo’l lema ‘Esto nun ye l’Antroxu de Xixón’.

II Xixón Fala en 3

El III ‘Xixón Fala en 3’ yá recibe propuestes pa defender el 20 de febreru

El 20 de febreru, la xornada previa a la celebración del Día de la Llingua Materna, ye la fecha escoyida pa la celebración del III ‘Xixón Fala en 3’, el concursu que busca fomentar l’usu del asturianu pa tratar cualesquier temática. Dende esti xueves y hasta’l 14 de febreru ta abierta la inscripción nes trés categoríes.

'L’escudu d’armes de Xixón. La iconografía de Pelayu', de Xuan F. Bas Costales recortada

Un llibru repasa la evolución de la imaxe de Pelayu nel escudu de Xixón

‘L’escudu d’armes de Xixón. La iconografía de Pelayu’ ye’l títulu del llibru últimu de Xuan F. Bas Costales. Trátase d’un ensayu sobre la evolución que vivió'l sellu distintivu de la ciudá dende que se creó a entamos del sieglu XVII, analizando los cambios na imaxe de Pelayu.

Esposición ‘Margarita Salas, una muyer con ciencia’

Una esposición dedicada a Margarita Salas amuesa n’asturianu la so trayeutoria y el papel de les muyeres na ciencia

‘Margarita Salas: una muyer con ciencia’ ye’l nome de la esposición en llingua asturiana pensada pa escolinos, pero recomendada pa persones de toles edaes. Pue visitase nel Centru de Cultura Antiguu Institutu hasta'l 31 de xineru –amplióse finalmente hasta'l 26 de febreru– y nella va conocese la trayeutoria de la valdesana asina como l'importante papel de les muyeres na investigación científica.

Calendariu 2021 'Xixón Años 60' xineru El Musel 1965

El calendariu del Pueblu d’Asturies y la Oficina de Normalización muestra esti 2021 el Xixón de los 60

Si nel 2020 pudimos recordar o conocer cómo yera’l Xixón de los 50, el calendariu qu’edita a comuña’l Muséu del Pueblu d’Asturies y la Oficina de Normalización Llingüística fai esti 2021 lo propio con imáxenes de los 60. Compónenlu un total de doce escenes que, al traviés d'un códigu QR, pueden comparase cola actualidá.

'Llázaro de Tormes' de Carlos Alba

Alba va representar 'Llázaro de Tormes' nel Antiguu Institutu

Esta obra ganó la primer edición del Premiu y Festival Nel Amaro de Teatru Profesional en Llingua Asturiana o Gallego-asturiano.

L'adaptación teatral asturiana de la novela anónima ‘La vida de Lazarillo de Tormes y de sus fortunas y adversidades’ fecha por Carlos Alba 'Cellero' va representase'l día 21 nel patiu del Antiguu Institutu. Nella, l'actor fai de pregoneru de los vinos del Arcipreste de San Salvador, cuenta les sos 'picardíes' col envís de xustificar la so vida y fai un retratu coñón de la sociedá de la época.

Pages