La Primer Sidre l'Añu, la gran espicha nel Muséu del Pueblu d'Asturies

|
XII Primer Sidre l'Añu reducida

Esta cita de la Selmana Santa xixonesa de gran ésitu de públicu vive la so decimotercer edición.

El Muséu del Pueblu d'Asturies recibe los primeros visitantes qu'acuden al recintu pa prebar la la sidre nuevo, esto ye, ensin trasegar, de más de mediu centenar de llagares. Vicente Díaz, como pregoneru, encargóse d'abrir la cita entamada pola revista 'La Sidra' y la Fundación Asturies XXI, que va tener les puertes abiertes dende güei al domingu de 12 a 21 hores, sacante la xornada final, que fina a les 18 hores.

El preciu d'entrada son 7 euros, qu'inclúi l'accesu a la bébora tradicional del país, y disfrutar d'una amplia programación qu'inclúi prebes guiaes, actuaciones musicales, xuegos infantiles o un taller d'escanciáu, ente otros, amás de diferentes concursos. Los finalistes esti añu nel del 'Primer Sidre l'Añu' son los llagares Acebal (Xixón), Arbesú (Siero), El Duque (Xixón), Germán (Avilés), Fonciello (Siero), Orizón (Nava) y Roza (Nava), que resultó vencedor.

Na semeya, ambiente a primer hora nel tendayu del Pueblu d'Asturies na edición pasada.

Contador Estadistiques