Próxima parada folixera: l’Antroxu

|
Illuminación Antroxu Xixón 2022

Una vegada pasaes les fiestes navidiegues, la villa yá se prepara pa l’Antroxu. Esti añu esta folixa tradicional va tener el so día grande, el Llunes d’Antroxu, el 20 de febreru, pero l’actividá va principar, como ye vezu nel Antroxu modernu, el Xueves de Comadres, que cai’l 16.

L’Antroxu entamaba nel pasáu col solsticiu d’iviernu, con mazcaraes per tol país, y agora, tres la recuperación acontecida cola fin del Franquismu, resúmese a les xornaes previes al Miércoles de Ceniza, primer día de la Cuaresma. Son día de coloríu, xolgoriu y disfraces qu’en Xixón se viven d’una manera mui especial.

A la espera de la so llegada, el Conceyu yá abrió les inscripciones pa los concursos de cartelos, carroces, charangues y pal desfile infantil. El primeru en finar el plazu va ser del que sal la imaxe que va promocionar la folixa, con fecha tope’l día 19 pa presentar les propuestes.

Pue consultar les bases y inscribise a los diferentes concursos calcando nesti enllaz.

Contador Estadistiques