Casa'l Chinu

La conocida como Casa'l Chinu, recibe'l so singular nome d'unu de los sos propietarios, Chaoyo Wey, que na década de los sesenta estableció equí la so vivienda, un mesón chinu y un negociu d'adornos de papel (banderines, xirasoles…), siendo famosos los sos farolucos que s'utilizaben na desapaecida “Fiesta del farolillo”. Muncho primero, posiblemente nel sieglu XVI, allugóse equí la casa consistorial o Casa de la Villa, antes del so treslláu a la Torre del Reló. Anguaño ye sede del centru social del barriu de Cimavilla.

Tratar d'una construcción de calter tradicional onde'l corredor ye l'elementu más característicu. De normal realizáu en madera de carbayu o castañal, el corredor asitiase nel pisu altu de la vivienda, empobináu al sur o al este. Nesti casu ye de fechura senciella , pero ye frecuente que los corredores se decoren tantu na balaustrada, capiteles y zapates de les columnes según basa y bistechu. Tien un calter multifuncional yá que se rellaciona coles actividaes del campu al utilizase como secaderu y maduración de la collecha y otros productos de consumu, amás, sirve como aislante climáticu de la vivienda y facilita los llabores domésticos protexendo la ropa tendío de l'agua.