Deportes

L'equipu de balonmanu de La Calzada enfréntase na primer eliminatoria de la EHF European Cup col Alì-Best Espresso Mestrino.

Constituyóse na Casa Conceyu la comisión de trabayu pal siguimientu de la candidatura d’El Molinón a ser sede mundialista nel 2030, cola participación de tolos grupos municipales. A la salida l’alcaldesa Ana González Rodríguez confirmó l’apuesta de Xixón, anque especificó que “tendremos que buscar fórmules”.

El Telecable Xixón Solimar sigue sumando ésitos. La única copa estatal que nun algamara entovía, la Supercopa, tornéu que celebraba en Vila-sana esta fin de selmana, viaxó a La Calzada llueu de superar en semifinales al Martinelia Manlleu (1-2) y na final al Generali HC Palau de Plegamans (0-1), verdugu na temporada pasada n'Europa y en Lliga.

Con cuatro cares nueves y relevu nel bancu afronta’l Telecable la temporada nueva. L’equipu de La Calzada de ḥoquei patinos femenín, agora baxo’l mandu de Ramón Peralta, quier quitase el mal sabor de boca de los subcampeonatos de Lliga y Europa del añu pasáu col primer títulu cola Supercopa, onde espera’l Martinelia Manlleu.

El tornéu xixonés va coincidir en feches col de Firenze y va celebrase depués de dos ATP 500.

Les de Cristina Cabeza van enfrentase col Ali-Best Espresso Mestrino na EHF European Cup.

Un xiru nos acontecimientos provocaos pola propiedá nueva del Sporting, el grupu mexicanu Orlegi Sports, avera a El Molinón a repetir como sede mundialista 48 años depués. España y Portugal presenten una candidatura conxunta pa organizar el del 2030 y el campu xixonés ta ente los 15 qu’aspiren a ser ún de los 11 escoyíos.

Finen 28 años de xestión de la familia Fernández nel Sporting. Javier, fíu del que fora máximu aicionista de la entidá y presidente del 1994 al 1997, José, firmó nuna notaría en Madrid la venta al grupu mexicanu Orlegi Sports, propietariu del Santos Laguna y del Atlas de la máxima categoría, que toma les riendes del centenariu club xixonés.

Les de La Calzada, con factor cancha na final, han remontar el 0-1 na serie con Palau.

Dicen qu’a la tercera va la vencida y nel casu del Club Balonmano La Calzada asina ye. L’equipu de balonmano femenín va competir finalmente la temporada próxima n’Europa al consiguir 30.000 de los 50.000 euros que necesitaba depués de tener que refugar hasta en dos ocasiones nel pasáu a la plaza ganada na cancha.