El Motive.co viaxa al Vèneto pa debutar en competiciones europees

L'equipu de balonmanu de La Calzada enfréntase na primer eliminatoria de la EHF European Cup col Alì-Best Espresso Mestrino.

El Motive.co va viaxar mañana al Vèneto pa enfrentase'l sábadu al conxuntu d'esta población de 11.000 habitantes, con esperiencia na competición. Les de Cristina Cabeza enfrenten esti debut n'Europa depués de perder ayeri en Lliga col campeón actual, el Super Amara Bera Bera, por 29-25, pero con tola ilusión del mundu.

La ida de la primer eliminatoria –en realidá ye la segunda ronda– del segundu tornéu continental va xugase'l sábadu a les 19.30 hores con arbitraxe de los bosnios Edin Kulovic y Vedad Skaljic. Mentes, la vuelta va decidise en Xixón, nel pabellón de L'Arena, la fin de selmana siguiente.

Na imaxe, plantía del Alì-Best Espresso Mestrino. Semeya propiedá de la European Handball Federation.