La Calzada va llevar el nome del barriu y de Xixón per toa Europa

Dicen qu’a la tercera va la vencida y nel casu del Club Balonmano La Calzada asina ye. L’equipu de balonmano femenín va competir finalmente la temporada próxima n’Europa al consiguir 30.000 de los 50.000 euros que necesitaba depués de tener que refugar hasta en dos ocasiones nel pasáu a la plaza ganada na cancha.

El nome de La Calzada y de Xixón va viaxar per tol continente al participar el club na EHF European Cup al acabar en cuarta posición na Lliga. El Palaciu de Deportes va ser la sede los partíos de llocal de les xixoneses, qu’habitualmente xueguen nel pabellón de L’Arena.

Necesitábense 50.000 euros pa inscribise, de los qu'algamó 30.000 gracies a aportaciones privaes y al sofitu del Conceyu y el Gobiernu. La direutiva del club xixonés cuenta con recaudar los 20.000 restantes nos próximos meses pa cumplir el gran suañu de xugar n'Europa, convirtiéndose asina nel primer equipu asturianu de balonmano en facelo.

Na imaxe, Aida Nuño, direutora xeneral de Deportes, y José Ramón Tuero, conceyal d'Actividá Física, Deporte y Distritu Rural, nos estremos, xunto con xugadores y miembros del club. Semeya propiedá del Club Balonmano La Calzada.