Deportes

Deportes

Sortéu segunda eliminatoria Copa Sporting 2022-2023

El Numancia espera al Sporting en Copa

Los d'Abelardo van xugar nel fríu Los Pajaritos la segunda eliminatoria de la competición llueu de superar al Beasain na prórroga (2-3).

Aitor Sanz bola Sporting primer ronda de Copa

El Sporting va abrir la participación en Copa visitando al Beasain

El sortéu de la primer ronda de Copa crució al Sporting con un rival de Segunda RFEF, el Beasain. El partíu va xugase a partíu únicu nel campu de Loinaz, de prau artificial de xeneración última y capacidá pa 1.500 espectadores, onde’l Sporting B dio na 2016-2017 un gran pasu pal ascensu a Segunda B al empatar 2-2 na ida de la eliminatoria final.

Comisión de trabayu El Molinón 2030

“Sí queremos ser sede del Mundial; tendremos que buscar fórmules”, confirma González

Constituyóse na Casa Conceyu la comisión de trabayu pal siguimientu de la candidatura d’El Molinón a ser sede mundialista nel 2030, cola participación de tolos grupos municipales. A la salida l’alcaldesa Ana González Rodríguez confirmó l’apuesta de Xixón, anque especificó que “tendremos que buscar fórmules”.

Telecable cola Supercopa en Xixón

La Supercopa de ḥoquei patinos yá ta en La Calzada

El Telecable Xixón Solimar sigue sumando ésitos. La única copa estatal que nun algamara entovía, la Supercopa, tornéu que celebraba en Vila-sana esta fin de selmana, viaxó a La Calzada llueu de superar en semifinales al Martinelia Manlleu (1-2) y na final al Generali HC Palau de Plegamans (0-1), verdugu na temporada pasada n'Europa y en Lliga.

Cuadru Supercopa Telecable

El Telecable de Peralta arranca la temporada na Supercopa col enfotu de llevar el títulu a casa

Con cuatro cares nueves y relevu nel bancu afronta’l Telecable la temporada nueva. L’equipu de La Calzada de ḥoquei patinos femenín, agora baxo’l mandu de Ramón Peralta, quier quitase el mal sabor de boca de los subcampeonatos de Lliga y Europa del añu pasáu col primer títulu cola Supercopa, onde espera’l Martinelia Manlleu.

Pages