Actualidá

Gran nueche de los fueos artificiales, llanzaos dende L'Atalaya a les doce de la nueche.

Del martes al miércoles que vien, Xixón celebra la so Selmana Grande. Conciertos, grupos folclóricos, bandes de gaites, fueos artificiales, la Danza Prima, la FIDMA..., son dalgunes de les munches posibilidaes qu'ufre la ciudá nestes xornaes festives.

Granda ta celebrando les fiestes de Santa Ana, una de les romeríes con más tradición. Estos díes entámense les mayores verbenes, cola vista puesta sobre manera na Nueche Celta del domingu.

El domingu va celebrase en San Llorienzu el Festival Áereo Gijón, certame con aviones militares qu'axunta munchu públicu pero que recibe grandes crítiques. Como alternativa, entámase nel Muséu del Pueblu d'Asturies la Folixa pola Paz, onde van volar inofensives cometes.

L’alcaldía de Foro nun peligra. PSOE y Xixón Sí Puede nun lleguen a un alcuerdu sobre’l candidatu pa liderar la moción de censura contra Carmen Moriyón, polo que va terminar la so segunda llexislatura.

Tamién ta orientada a familiares y cuidadores.

L'Hospital Universitariu de Cabueñes ta acabante d’espublizar la guía ‘Cuidados del paciente tras el Ictus’. Trátase d’un documentu d'ayuda y orientación en tol procesu con conseyos y información útil para facilitar la reincorporación a la vida activa del que sufriere l’accidente cardiovascular.

Esti vienres, 29 de xunu, festéxase San Pedro, fiesta llocal en Xixón. ¿Pero por qué celebramos a esti santu y non a otros?

El documentu ‘30 demandas al nuevo Gobierno. Asturies merece un cambio’ que Podemos Asturies tresllada al presidente Pedro Sánchez inclúi cuatro cuestiones pendientes nel conceyu: l'Autopista del Mar, los accesos a El Musel, el Plan de Víes y la depuradora del este. Ente'l restu de reclamaciones ta la creación de la especialidá docente d'asturianu o la supresión del peaxe del Güerna.

El miércoles finó’l procesu de votación de les primaries de Podemos Xixón pa escoyer secretariu xeneral. Mario Suárez del Fueyo va siguir nel cargu tres algamar un 54,77 por cientu d’apoyos, pol 45,23 por cientu de la so competidora, Verónica Rodríguez Fernández.

Aurelio Martín, voceru d’Izquierda Xunida (IX), propunxo una moción de censura a l’alcaldesa Carmen Moriyón ral PSOE y Xixón Sí Puede. Los socialistes tán dispuestos a aldericar, mentes que la candidatura de xunidá popular quier esperar a les sos primaries.