Actualidá

Cortes de lluz y preocupación pola xuba de les agües del ríu Pinzales y del ríu Peñafrancia son los principales problemes que causó en Xixón el temporal d'agua que vivimos estos díes. El Muro tuvo zarráu pa evitar peligros, al igual que'l parque Isabel la Católica, y sufrió daños provocaos pola fuercia de la mar.

Lleva'l nome de Ganar Xixón 2019.

La xurista y téunicu n'Urbanismu Yolanda González Huergo, destacada militante asturianista, y el voceru municipal de Xixón Sí Puede Mario Suárez del Fueyo son los impulsores d'una llista pa les primaries de Podemos Xixón de cara a les municipales del 26 de mayu coles posiciones entovía por definir. Nella apaecen como preinscritos nomes como de Llorián García Flórez, Daniel Fernández Blanco, Inés Mallada, Laura Tuero, Carlos Rodríguez o Ana Carpintero.

Vicente Álvarez Areces, alcalde de Xixón ente 1987 y 1999, morrió na madrugada del xueves de sópitu al sufrir un derrame cerebral. El so cadabre, tres velase na Xunta Xeneral pela tarde y na mañana del vienres, llegó sobre'l meudía a la Casa Conceyu, onde s'instaló una capiella ardiente que ta siendo visitada por decenes de persones.

La Empresa Municipal de Tresportes Urbanos (EMTUSA) ta acabante de presentar cuatro autobuses nuevos Scania Euro 6c que dende la selmana pasada faen la llinia 20 ‘Nuevo Roces-Montevil-Somió (La Pipa). La llingua asturiana tien visibilidá nestos vehículos, que tamién lleven la marca ‘Xixón’ na parte esterior de la carrocería.

Foi l'únicu candidatu que se presentó a les primaries previstes nun principiu pal día 29.

Izquierda Xunida yá conoz al so cabezaleru pa les eleiciones municipales del 26 de mayu. Va ser Aurelio Martín, que yá liderara la llista de la coalición en 2015, cuando algamó 2 representantes.

“Ye’l meyor homenaxe que los partíos pueden facer pa celebrar estos 15 años d’oficina”, destaca Inaciu Galán, presidente d’Iniciativa pol Asturianu. Propone que se presente una moción de sofitu a la Oficina de Normalización Llingüística pa la so aprobación en Plenu.

Va presentase a les primaries previstes pal día 29, separtaes del procesu nacional.

Manuel Aurelio Martín González, candidatu d'Izquierda Xunida (IX) nel municipales del 2015 y voceru del grupu municipal, anunció la so intención de repetir como cabezaleru de la llista de la coalición nes municipales del 26 de mayu. Pa ello va acompañase pola conceyala Ana María Castaño como númberu dos, al igual qu'hai trés años.

Podría llevase al Plenu de xineru o febreru tres el preste dau pol Gobiernu.

La Comisión d'Urbanismu y Ordenación del Territoriu del Principáu d'Asturies (CUOTA) informó'l llunes favoratiblemente sobre'l documentu de revisión del Plan Xeneral d'Ordenación (PXO) de Xixón y el cambiu del catálogu urbanísticu del conceyu. D'esta forma desblóquiase'l parálisis urbanísticu d'una década nel conceyu tres les anulaciones xudiciales de los procesos anteriores de revisión remataos nel 2006 y 2011.

Foro nun llevó a Plenu’l proyeutu de presupuestos pal 2019, polo que Xixón va vivir una segunda prórroga presupuestaria. PSOE, Izquierda Xunida (IX) y Ciudadanos votaron en contra na Comisión de Facienda, mentes que Xixón Sí Puede y PP astuviéronse.

Jesús Martínez Salvador, conceyal de Turismu, Deportes, Festexos y Mocedá, anunció esti miércoles que'l Conceyu nun va ampliar les calles illuminaes por cuenta la Navidá a pesar de les protestes. Argumenta qu'hai un contratu zarráu por un costu determináu.