Granda vive les sos fiestes de Santa Ana y preparáse pa la Nueche Celta

Granda ta celebrando les fiestes de Santa Ana, una de les romeríes con más tradición. Estos díes entámense les mayores verbenes, cola vista puesta sobre manera na Nueche Celta del domingu.

La mayores recuerden entovía como munchos empeñaben nel pasáu'l xergón p'acudir a la romería de Granda na carbayera per San Ana. Colos años de más esplendor a mediaos del sielgu pasáu, esta folixa sigue vive nun formatu más familiar qu'entovía atrai a munchos xixoneses.

El platu fuerte ye la Nueche Celta, que vive la so ventena segunda edición. Nesta ocasión el cartelu d'esta folixa, con comienzu previstu pa les 21 hores, confórmenlo'l Grupo Folklórico Trebeyu, l'acordionista gallegu Andrés Penabad y l'Asturiana Mining Company.

Programa pal restu de díes

Esta nueche va celebrase una folixa de los 80 y 90, mentes que mañana va tocar la orquesta Tekila y el llunes, Waykas. DJ Riky, mentes, va pinchar güei y mañana.

El domingu, día grande, va comenzar con una alborada de gaita y tambor, con misa prevista pa les 11.30 hores pa siguir depués cola puya'l ramu y una sesión vermú. Pela tarde va haber talleres infantiles, dende les 17 hores, y una exhibición de deportes tradicionales, dende les 19 hores.