Izquierda Xunida propón una moción de censura pa echar a Foro del Conceyu

Aurelio Martín, voceru d’Izquierda Xunida (IX), propunxo una moción de censura a l’alcaldesa Carmen Moriyón ral PSOE y Xixón Sí Puede. Los socialistes tán dispuestos a aldericar, mentes que la candidatura de xunidá popular quier esperar a les sos primaries.

Les trés formaciones d’izquierda sumen los votos suficientes pa sacar alantre dicha moción de censura nuna llexislatura qu’entra nel so tramu final. Foro algamó l’alcaldía nel 2015 al ser la formación más votada y nun haber alcuerdu ente’l PSOE y Xixón Sí Puede pa investir al candidatu socialista José María Pérez col sofitu d’IX.

La coalición, col deséu de que Xixón tenga un gobiernu d’izquierda, propón agora esta alternativa ensin designar un candidatu concretu. Les negociaciones yá tán en marcha y el PSOE apuesta por Pérez pa ocupar l’alcaldía, dalgo que Xixón Sí Puede refuga.