Aviones contra cometes

El domingu va celebrase en San Llorienzu el Festival Áereo Gijón, certame con aviones militares qu'axunta munchu públicu pero que recibe grandes crítiques. Como alternativa, entámase nel Muséu del Pueblu d'Asturies la Folixa pola Paz, onde van volar inofensives cometes.

A les 12 hores van comenzar a sobrevolar la playa diferentes aviones, la mayor parte d'ellos de calter militar. Sicasí, el sábadu a les 22.30 hores la patrulla Aerosparx tien previsto un ensayu nocherniego.

Como respuesta, la Coordinadora Asturiana de ONGD, el Conseyu de la Mocedá de Xixón y Acción en Red Asturies organicen la IV Folixa pola Paz, un espaciu abiertu, de baldre y enllenu d'actividades que pretenden ser un alternativa d'ociu pa pasar esti domingu reivindicando principios de paz y non de violencia. La Bonturné y Ún de Grao van actuar nesta xornada, onde tamién va haber un taller de cometes y actividaes y talleres p'adultos y neñes y neños, amás d'una xinta popular.