Suárez del Fueyo, reelixíu como secretariu xeneral de Podemos Xixón

El miércoles finó’l procesu de votación de les primaries de Podemos Xixón pa escoyer secretariu xeneral. Mario Suárez del Fueyo va siguir nel cargu tres algamar un 54,77 por cientu d’apoyos, pol 45,23 por cientu de la so competidora, Verónica Rodríguez Fernández.

El candidatu de la coalición de xunidá popular Xixón Sí Puede nes eleiciones últimes renovó la confianza de la militancia de Podemos na ciudá. Del total de 880 votos emitíos, llevó 459 apoyos, mentes que la tamién conceyala sumó 379.

Nesti procesu tamién s’escoyó a los miembros del Conseyu Ciudadanu Municipal. Les 19 persones que conformen agora esti muérganu son Estefanía Puente, Verónica Rodríguez, Inés Mallada, Yolanda González Huergo, Juan Miguel Chaves, Gemma Ares, Daniel Fernández, Alma Hernández, José Ovidio Álvarez, Rubén Montes, Luis Miguel González, Paz Fernández, Rafael Velasco, Remedios Cotarelo, Elena Suárez, Loreto Sánchez, Sergio Naves, Antón Caamaño y José Andrés Díaz.

Na semeya, Suárez del Fueyo nel centru l'imaxe.