Actualidá

Laura Tuero

“Nun ta habiendo avances significativos nel usu del topónimu ‘Xixón’ esti mandatu”, apunta Tuero

Podemos-EQUO censura que’l Conceyu “nun mirara pol usu del topónimu ‘Xixón’ nel tornéu ATP 250” que se celebró la selmana pasada nel Palaciu de Deportes. La so vocera, Laura Tuero, considera que “nun ta habiendo avances significativos” nel emplegu de la forma asturiana “esti mandatu” y recuerda la poca actividá del Conseyu Asesor.

Floro ganador primaries PSOE

Floro va ser el candidatu del PSOE a l’Alcaldía

L’independiente Luis Manuel Flórez ‘Floro’ va ser el candidatu del PSOE nes eleiciones de mayu llueu de ganar les primaries a Ana Puerto por una diferencia amplia. El partíu qu’encabeza agora’l gobiernu municipal espera caltener l’Alcaldía cola convocatoria d'esta consulta pola militancia que llevó a l’alcaldesa Ana González Rodríguez a apartase.

Ana González Rodríguez

González anuncia la so decisión de nun dir a les primaries y va abandonar l'Alcaldía en mayu

Un día depués de confirmase que los promotores de la celebración de primaries nel PSOE de Xixón pa escoyer el candidatu a l’Alcaldía algamaben los apoyos suficientes pa convocales, Ana González Rodríguez anunció la so decisión de dar un pasu a un llau. Nun va presentase, anque va escosar el so mandatu.

Autobús EMTUSA

Los billetes d’autobús van tener un 30 por cientu de descuentu dende’l día 1

Sacante l’ordinariu, que caltién un costu de 1,50 euros, el restu de billetes d’autobús de la Empresa Municipal de Tresportes Urbanos (EMTUSA) van contar con un 30 por cientu de descuentu dende’l 1 de setiembre en beneficiu de los usuarios de tarxetes y d’abonos nes sos diferentes categoríes. Estos precios van caltenese hasta fin d’añu.

Adrián Barbón Conseyu de Gobiernu telemáticu ZALIA Xixón

Movimientu nuevu pa salvar la ZALIA: el Conseyu de Gobiernu aprueba l’ampliación de capital

17 años depués de la creación de la Zona d’Actividaes Loxístiques y Industriales d’Asturies (ZALIA) esti polígonu ensin actividá recibe a un salvavides nuevu. Un Conseyu de Gobiernu convocáu de manera estraordinariu aprobó un proyeutu de llei qu’autoriza una ampliación de capital que busca garantizar el so futuru y solvencia.

Metrópoli

La hostelería pue ampliar el so horariu por mor de la celebración de Metrópoli

La xunta de gobiernu aprobó qu’estos díes los establecimientos hosteleros puedan abrir hasta l’horariu que-yos permite la so llicencia en fines de selmana. Acepta asina un pidimientu de la patronal Otea pola celebración estos díes de Metrópoli, festival que fina'l domingu y que tien permisu d’apertura hasta les 4 de la madrugada.

Reapertura tráficu cascayu El Muro

Yá hai fecha y hora pa la reapertura del tráficu n’El Muro en direición Náutico

El Muro va recuperar el tráficu en doble sentíu esti martes a les 9 hores. Asina lo confirmó’l Conceyu pa cumplir cola sentencia xudicial a favor de Stop Muro que pon fin dos años depués al usu de la calzada más pegada a la sablera pa usu esclusivu de los peatones.

Cascayu

El Conceyu retira’l moblame urbanu del cascayu pa dexar pasu a los coches

La sentencia favoratible a la plataforma Stop Muro, que demandaba’l doble sentíu n’El Muro, obliga a la retirada del moblame urbanu del nomáu cascayu pa dexar pasu a los coches. Esti llunes entamaron los trabayos cola instalación del cabliáu pa la rede semafórica nueva.

Pages