Salvamentu estrena banderes especiales con símbolos esta temporada

Más de 50 socorristes van cuidar de los bañistes en tierra y mar nel periodu de mayor actividá.

El 1 de mayu, xornada na qu'entama la temporada de baños y s'activó'l serviciu de Salvamentu, munchos ciudadanos sorprendiéronse al ver les banderes que llucíen en San Llorienzo, El Natahoyo y L'Arbeyal. Les habituales verde, mariella y colorada incorporen un símbolu diferente caúna d'elles.

Pero, ¿qué signifiquen? Trátense de códigos que pueden identificar persones daltóniques, esto ye, aquelles que confunden o nun perciben colores.

Asina, la verde cuenta llinia diagonal y un triángulu na so parte inferior; la mariella, namái la llinia diagonal; y la colorada convierte la llinia nun triángulu que mira p'arriba.

Hasta 'l 15 d'ochobre

29 socorristes conformen la plantía d'esti añu de Salvamentu, na que se va ampliar el serviciu con interinos hasta'l 15 d'ochobre. Esta cantidá va dir ampliándose hasta los 51 del 15 de xunu al 31 d'agostu, con 6 esternalizaos al traviés de la Federación Asturiana de Conceyos (FACC) que van trabayar en Peñarrubia y Estaño.