Losa anuncia’l compromisu del Gobiernu estatal de roblar el Plan de Víes enantes del 28 d’abril

|
Losa anuncia’l compromisu del Gobiernu estatal de roblar el Plan de Víes enantes del 28 d’abril

Tres trés xornaes de zarru nel salón de plenos de la Casa Conceyu, les vecines y vecinos abandonaron esti xueves la protesta al algamar el compromisu de Delia Losa. La delegada del Gobiernu estatal n’Asturies aseguró que’l conveniu del Plan de Víes va firmase nun Conseyu de Gobiernu enantes de les eleiciones.

El llunes un grupu ciudadanos venceyáu a la Federación d’Asociaciones de Vecinos/es de Xixón decidieron permenecer nel ayuntamientu hasta consiguir que Pedro Sánchez diera valir al conveniu del Plan de Víes. El temor de que finara la llexislatura ensin pesllar esti asuntu vital pa la ciudá, provocando una más que posible dilatación del problema nel casu de cambiu en Moncloa, llevó a esti piñu de persones a dar esti pasu.

Esta mañana, tres l’anuncia de Losa de que’l documentu va roblase nun Conseyu de Ministros enantes de la convocatoria d’eleiciones, finó’l zarru. Ediles de Xixón Sí Puede y el conceyal de Seguridá Ciudadana, Movilidá y Tresportes, Esteban Aparicio, acompañaron a los vecinos estos díes.

Semeya propiedá de la Federación d’Asociaciones de Vecinos/es de Xixón.

Contador Estadistiques