El Gobiernu va renovar la cubierta del centru de salú de Laviada

Les filtraciones d'agua obliguen a la reparación de la cubierta del centru de salú de Laviada. La Conseyería de Sanidá ta acabante de sacar a concursu les obres de restitución y arreglu de la mesma.

La intervención va consistir nel arreglu integral del teyáu, con una construcción que se remonta a más de dos décades. El so estáu actual provoca filtraciones por cuenta d'una escasa rimada y una insuficiente rede d'evacuación de les agües pluviales.

Estos defeutos causaron daños na mesma estructura, polo que tendrá de ser sustituyida por una nueva, con un diseñu reformáu de les baxantes pa que recueyan meyor l'agua. Les obres, valoraes en 299.649 euros, nun van atayar l'actividá asistencial y van facese de manera qu'afeuten lo menos posible a la comodidá de pacientes y profesionales.

Semeya obra de Leticia Blas.