Actualidá

Centru de salú de Laviada

El centru de salú de Laviada cuenta con cubierta nueva que fina coles filtraciones d'agua

Les filtraciones d’agua yá nun van ser problema nel centru de salú de Laviada. Les obres de reparación d’esta instalación que comenzaron avanzada la seronda yá tán terminaes y el diseñu del teyáu nuevu permite solucionar los defeutos del anterior.

Colchón zarru na Casa Conceyu pol Plan de Vïes

Losa anuncia’l compromisu del Gobiernu estatal de roblar el Plan de Víes enantes del 28 d’abril

Tres trés xornaes de zarru nel salón de plenos de la Casa Conceyu, les vecines y vecinos abandonaron esti xueves la protesta al algamar el compromisu de Delia Losa. La delegada del Gobiernu estatal n’Asturies aseguró que’l conveniu del Plan de Víes va firmase nun Conseyu de Gobiernu enantes de les eleiciones.

Alba González Sanz

González Sanz arrenuncia al cargu de direutora xeneral d’Igualdá y Diversidá pa dar pasu a una muyer racializada

La ex diputada Rita Bosaho va ocupar definitivamente’l cargu de direutora xeneral d’Igualdá de Tratu y Diversidá Étnico-racial tres l’arrenuncia d’Alba González Sanz, conceyala de Podemos-EQUO qu’abandona güei’l grupu municipal. Les crítiques de coleutivos antirracistes pol so nomamientu llévala a dar un pasu a un llau.

Yolanda Huergo, Laura Tuero y Alba González Sanz grupu municipal Podemos-EQUO

González Sanz dexa’l so cargu de conceyala pa ser direutora xeneral d’Igualdá y Diversidá

Irene Montero, ministra d’Igualdá, apuesta por Alba González Sanz pa ocupar el cargu de direutora xeneral d’Igualdá de Tratu y Diversidá Étnico-racial. Edil por Podemos-EQUO, va abandondar la Casa Conceyu, siendo’l so sustitutu Juan Miguel Chaves.

Melchor Reis Magos en Xixón 2019

Los Reis Magos yá tán rumbu a Xixón, onde van llegar per mar el domingu

Acompañaos pol siempre queríu Príncipe Aliatar, Melchor, Gaspar y Baltasar yá tán rumbu a Xixón pa llevar regalos a los xixoneses. Les neñes y neños van esperalos el domingu pela mañana n’El Muelle y, tres participar na cabalgata con salida de Montevil pela tarde, los Reis Magos van ponese a trabayar mientres tola nueche.

Plenu Xixón aprobación Presupuestos 2020

El Plenu de Xixón aprueba los presupuestos col votu de calidá de l’alcaldesa

Tres dos votaciones, gracies al votu de calidá de l’alcaldesa Ana González, el PSOE y Xixón pela Izquierda sacaron alantres les primeres cuentes de la llexislatura, que ponen puntu y final a dos periodos con prórroga presupuestaria. El Conceyu va contar con 233 millones d’euros, un 2,5 por cientu más que nel 2017.

Asamblea de Podemos presupuestos 2020

Podemos-EQUO va facilitar los presupuestos municipales con “una astención crítica”

Tres dos prórrogues presupuestaries, el Conceyu va evitar una tercera. El PSOE va poder sacar alantre les sos primer cuentes d’esta llexislatura pola “astención crítica” de Podemos-EQUO y l’apoyu de Xixón pela Izquierda, partíu nel equipu de gobiernu municipal.

Presentación del 'Primer Recuento de Personas Sin Hogar en Gijón'

El 25 de payares 142 persones viéronse obligaes a dormir na cai

Un recuentu afita que cuasi mediu millar de ciudadanos de Xixón nun tienen llar.

Mar de Niebla, Serenos Xixón, l'Albergue Covadonga, Colectivo Nacai, l'Asociación Albeniz, Identidad para Ellos y Ellas, la Fundación Municipal de Servicios Sociales y la Cocina Económica punxeron en marcha'l llunes pasáu'l 'Primer Recuento de Personas sin Hogar en Gijón', que dexaron datos esmolecedores. En Xixón hai 439 persones ensin hogar, de les que 142, un 32 por cientu, viéronse obligaos a pasar esa nueche na cai.

Celebración PSOE 28-A

El PSOE foi’l partíu más votáu’l 10-P en Xixón

Los xixoneses dieron al PSOE la victoria eleutoral na repetición de les Estatales, al igual que’l 28 d’abril. PP-Foro ameyoró los sos resultaos, pasando a Xuníes Podemos como segunda fuercia, mentes que Ciudadanos pierde 19.000 votos y diez puntos y VOX sigue medrando.

Accidente temporal en Carlos Marx

'Amelie' traxo raches d’aire de 110 quilómetros per hora y numberosos estrozos

El temporal 'Amelie' ximelgó Xixón esti domingu con agua y raches d’aire que llegaron a los 110 quilómetros per hora. Cayíes d’árboles, qu’obligaron a pesllar el parque Isabel la Católica, y numberosos incidencies caltuvieron en señal d’alerta a los servicios d’emerxencia.

Pages