Actualidá

Oposición EMULSA

7.037 persones participen nes pruebes d'EMULSA pa 950 places temporales

Un total de 720 aspiren a les de xardinos y 6.317 a hixene urbana pal periodu 2020-2022.

El Recintu Ferial Luis Adaro va acoyer na mañana del domingu les pruebes presenciales del procesu selectivu de la bolsa de emplegu temporal de la Empresa Municipal de Servicios de Medioambiente Urbanu de Xixón (EMULSA). A la ufierta pública de 950 places presentáronse de primeres 7.355 personas, anque finalmente almitiéronse 7.037 tres los periodos de presentación de documentación y igua d'errores previstos nes bases.

Centru de salú de Laviada

El centru de salú de Laviada cuenta con cubierta nueva que fina coles filtraciones d'agua

Les filtraciones d’agua yá nun van ser problema nel centru de salú de Laviada. Les obres de reparación d’esta instalación que comenzaron avanzada la seronda yá tán terminaes y el diseñu del teyáu nuevu permite solucionar los defeutos del anterior.

Colchón zarru na Casa Conceyu pol Plan de Vïes

Losa anuncia’l compromisu del Gobiernu estatal de roblar el Plan de Víes enantes del 28 d’abril

Tres trés xornaes de zarru nel salón de plenos de la Casa Conceyu, les vecines y vecinos abandonaron esti xueves la protesta al algamar el compromisu de Delia Losa. La delegada del Gobiernu estatal n’Asturies aseguró que’l conveniu del Plan de Víes va firmase nun Conseyu de Gobiernu enantes de les eleiciones.

Perru paséu

Les salíes con perros, nunca más lloñe de 200 metros de la vivienda

Un bandu del Conceyu llenda a 3 les vegaes nes que se pue sacar a estes mascotes al día.

Siguiendo'l mesmu camín qu'otros munchos ayuntamientos, el de Xixón decidió tomar midíes pa frenar l'escesu que facíen dalgunos ciudadanos aprovechando la posesión de perros p'allargar les salíes pa qu'éstos fixeren les sos necesidaes fisiolóxiques. "Nun podemos falar de paseos", apuntó l'alcaldesa Ana González.

Aviespa asiática

Llucha contra l’aviespa asiática: trampes en 200 puntos del conceyu

La Unión de Cooperativas Forestales de Asturias va encargase dende esti martes de la execución del Plan d’Actuación pa la Detección y el Control de la Aviespa Asiática. Van colocase trampes en 200 puntos del conceyu pa lluchar contra esta especie invasora.

Recintu Ferial Luis Adaro

El Recintu Ferial Luis Adaro va ser sede d'un hospital de campaña

Va disponer de 144 cames nel pabellón central pa tratar a persones con COVID-19.

El conseyeru de Salú, Pablo Ignacio Fernández Muñiz, treslladó'l martes pasáu a la Cámara de Comerciu de Xixón la posibilidá de facer usu de les sos instalaciones pa la instalación d'un hospital de campaña. Dende esi momentu púnxose en marcha tola infraestructura pa que nos díes próximes pueda tar disponible.

Paves na cai

Ana González llama a los vecinos “a nun tirar porquería” peles ventanes

“Ye importante qu’ente tol mundu caltengamos la llimpieza de les nueses cais”, apuntó Ana González nun de los comunicaos que ta faciendo con motivu del mandáu de quedar en casa pola pandemia de COVID-19. EMULSA ta detectando basura llanzada dende les ventanes, polo que l'alcaldesa llama “a nun tirar porquería”.

ORA reducida

El Conceyu retira’l pagu de la ORA y de delles tases p’amenorgar l’impautu económicu pol coronavirus

La pandemia del COVID-19 y les midíes tomaes pa frenar l’espardimientu del coronavirus que la provoca tan llevando a munches persones y negocios a una situación complicada no económico. P’amenorgar el so impautu’l Conceyu decidió supender el pagu de la ORA, del IBI diferenciáu y de delles tases.

COVID-19

El Conceyu toma midíes énte'l coronavirus

Suspende'l Plenu de marzu y tolos actos públicos, amás de zarrar el Teatru Xovellanos.

El Conceyu de Xixón, "en sintonía coles recomendaciones de la Organización Mundial de la Salú, del Ministeriu de Sanidá y de la Conseyería de Salú", decidió tomar midíes de prevención de la tresmisión del coronavirus COVID-19 per 14 díes dende mañana. La primera executóse ayeri mesmu: l'anulación del Plenu de marzu.

Portada Plan de Normalización Llingüística de Xixón 2020-2023

El Plenu d'abril aprobará'l Plan de Normalización Llingüística

El Conseyu Asesor de la Llingua dio'l preste, finalmente col votu favoratible del PP y la oposición única de VOX, al documentu final del Plan de Normalización Llingüística 2020-2023 presentáu pola comisión que s'encargó de trabayar sobre'l borrador presentáu pol Conceyu. El pasu siguiente ye la so aprobación en Plenu, previsiblemente n'abril.

Pages