Actualidá

Centru de salú de Laviada

El centru de salú de Laviada cuenta con cubierta nueva que fina coles filtraciones d'agua

Les filtraciones d’agua yá nun van ser problema nel centru de salú de Laviada. Les obres de reparación d’esta instalación que comenzaron avanzada la seronda yá tán terminaes y el diseñu del teyáu nuevu permite solucionar los defeutos del anterior.

Colchón zarru na Casa Conceyu pol Plan de Vïes

Losa anuncia’l compromisu del Gobiernu estatal de roblar el Plan de Víes enantes del 28 d’abril

Tres trés xornaes de zarru nel salón de plenos de la Casa Conceyu, les vecines y vecinos abandonaron esti xueves la protesta al algamar el compromisu de Delia Losa. La delegada del Gobiernu estatal n’Asturies aseguró que’l conveniu del Plan de Víes va firmase nun Conseyu de Gobiernu enantes de les eleiciones.

Cartelu de la XXVIII Fiesta de la Sidra Natural Xixón

La Fiesta de la Sidra Natural presenta cartelu, nel que desapaez l'asturianu

La diseñadora gráfica xixonesa Noelia Pañeda (Pasajero 37) encargóse dar forma al cartelu de la próxima edición de la Fiesta de la Sidra Natural, que se va celebrar del 19 al 25 de agostu. La creación dexa fuera l’usu de la llingua asturiana, lo que ta xenerando crítiques en redes sociales.

Hospital de Cabueñes

Xixón entrega les sos distinciones coincidiendo cola festividá de San Pedro

Esti sábadu, 29 de xunu, celébrase la festividá de San Pedro, patrón de Xixón y fiesta llocal. El Conceyu, coincidiendo con esta fecha, entrega les sos distinciones, destacando la medaya d’oru pal Hospital de Cabueñes y el títulu de Fíu Predileutu de Xixón al ex alcalde socialista Vicente Álvarez Areces, fináu nel mes de xineru.

Mario Suárez del Fueyo

Suárez del Fueyo abandona la Secretaría Xeneral de Podemos

Comunicó la so decisión al traviés d'una carta pública na que considera un error el nun acudir a les eleiciones xunto con IX.

Na tarde d'ayeri Mario Suárez del Fueyo, candidatu na llexislatura anterior de Xixón Sí Puede, comunicó al Conseyu Ciudadano la so renuncia al cargu de secretariu xeneral de Podemos Xixón. "Enxamás entendí la política como una profesión nin la estancia nos cargos como permanente y por esa razón siempre interpreté como natural que'l pasu peles instituciones y peles responsabilidaes polítiques tienen una llende temporal", señala.

Yolanda González Huergo Plenu de Constitución.png

Tolos grupos, menos Podemos-EQUO, alcuerden xubise'l sueldu

La coalición refuga tamién el repartu de la representación municipal nes comisiones.

La primer decisión del equipu de gobiernu del PSOE foi xubir el sueldu de l'alcaldesa y los conceyales, conxelaos mientres el mandatu de Foro, decisión que sólo tuvo la oposición de Podemos-EQUO. Ciudadanos, el propiu Foro, PP, VOX y Xixón por la Izquierda nun pusieron torgues a la propuesta socialista.

Ana González Rodríguez alcaldesa y grupu municipal

Ana González, alcaldesa

La socialista Ana González Rodríguez yá ye l’alcaldesa de Xixón. Salió escoyida como primer edil nel Plenu d’Investidura, nel que tuvo los votos de los sos compañeros del PSOE y d’Aurelio Martín, conceyal de Xixón por la Izquierda, como líder de la llista más votada.

Conceyu PSOE con Podemos-EQUO sobre investidura

Podemos-EQUO va decidir n'asamblea si apoya a González

La coalición confirmó que nun va presentar a la so candidata nel Plenu d'investidura.

El PSOE aconceyó ayeri con Podemos-EQUO dientro del ciclu d'alcuentros que ta calteniendo con tolos partíos na so sede. De la xunta sacó nidio que moraos y ecoloxistes nun van poner torgues nel camín hacia l'alcaldía d'Ana González.

Ana Braña, Jesús Martínez Salvador, Álvaro Muñiz y Rubén González Hidalgo

Muñiz arrenuncia al so acta de conceyal, anque siguirá na presidencia de Foro Xixón

Con 3 conceyales algamaos nes eleiciones del 26-M, Álvaro Muñiz decidió arrenunciar al so acta de conceyal y dar pasu al númberu 4 de la llista, Rubén González Hidalgo. El presidente de Foro Xixón, que va siguir al frente del partíu al igual que Carmen Moriyón n'Asturies, afirmó que “el talentu ha de tar na corporación nueva”.

Adrián Barbón, José Luis Ábalos, Ana González y Adriana Lastra Plan de Víes.

Barbón foi'l candidatu más votáu en Xixón a les Nacionales del 26-M

El socialista algamó un 34,56 por cientu de los votos, dalgo menos que nel conxuntu del país, onde la FSA rexistró un 35,24 por cientu.

Col 99,09 por cientu escrutáu, la candidatura d'Adrián Barbón supera los 46.000 votos, polos 19.000 de Ciudadanos, segunda fuercia nel conceyu con un 14,22 por cientu. Podemos algamó 17.000 (12,77 por cientu) y Foro cerca d'esa mesma cifra (12,56 por cientu).

Pages