Actualidá

Centru de salú de Laviada

El centru de salú de Laviada cuenta con cubierta nueva que fina coles filtraciones d'agua

Les filtraciones d’agua yá nun van ser problema nel centru de salú de Laviada. Les obres de reparación d’esta instalación que comenzaron avanzada la seronda yá tán terminaes y el diseñu del teyáu nuevu permite solucionar los defeutos del anterior.

Colchón zarru na Casa Conceyu pol Plan de Vïes

Losa anuncia’l compromisu del Gobiernu estatal de roblar el Plan de Víes enantes del 28 d’abril

Tres trés xornaes de zarru nel salón de plenos de la Casa Conceyu, les vecines y vecinos abandonaron esti xueves la protesta al algamar el compromisu de Delia Losa. La delegada del Gobiernu estatal n’Asturies aseguró que’l conveniu del Plan de Víes va firmase nun Conseyu de Gobiernu enantes de les eleiciones.

Selmana Europea de la Movilidá 2019 ensin l'asturianu

El topónimu Xixón desapaez na Selmana Europea de la Movilidá

L'asturianu nun ta na cartelería nin nos diferentes coches llétricos d'empreses municipales espuestos na Plaza Mayor.

Aurelio Martín Xixón Central

¿Xixón Central?

El Conceyu estudia la posibilidá d'importar el modelu de Madrid p'amenorgar la polución.

Aurelio Martín, conceyal de Mediu Ambiente y Movilidá, presentó ayeri la Selmana Europea de la Movilidá, a la que se suma Xixón, que se celebra del llunes al domingu 22. Nella anunció que ta estudiando la creación d'una área de baxes emisiones con tráficu llendáu na zona centru de la ciudá, al estilu de 'Madrid Central'.

Perros

El Plenu refuga crear una tasa pa los dueños de perros

Xixón nun va siguir el camín de Zamora y nun va cobrar a los dueños de perros una tasa añal. El Plenu celebráu esti miércoles refugó la propuesta de Foro y aprobó, ente otros asuntos, una modificación presupuestaria de 1,3 millones pa entamar obres urxentes.

Centru de Salú de Laviada

Cuatro médicos van reforciar los centros de salú énte la falta de profesionales

Dos van ser contrataos esti mesmu mes.

Begoña Martínez Argüelles, xerente del área sanitaria V, na que ta incluyíu Xixón, confirmó ayeri que cuatro médicos de familia van reforciar a los centros de salú de la zona. D'esta forma l'Alministración pretende minimizar los problemes que se tán viviendo anguaño pola falta de profesionales.

El pabellón del Conceyu de Xixón en Fidma recibe 68.335 visites

El pabellón del Conceyu de Xixón en Fidma recibe 68.335 visites

Ye’l tercer meyor rexistru de visites del estand del conceyu, namái superáu pol de 2018, dedicáu a los hermanos Castro, y el de 2013, que se dedicó al comerciu llocal.

La feria taurina nun se llibra de les protestes

Estos díes ta celebrándose n'El Bibio la Feria de Begoña. Esti festexu, vendíu dende l'Ayuntamientu como un atractivu más de la Selmana Grande, tien una importante respuesta ente la población, que yá nel 1914 salió a la cai pa declarase contraria a la mesma.

Inaciu Galán va ser esti vienres pregoneru de les fiestes de Roces

Inaciu Galán va ser pregoneru de les fiestes de Roces

El periodista y escritor, presentador del programa Mundu Sidreru en TPA y ex presidente d'Iniciativa pol Asturianu, Inaciu Galán, va ser el pregoneru de les Fiestes Sacramentales de San Julián de Roces, en Xixón.

La llectura del pregón va celebrase esti vienres 9 d’agostu a les 20 hores, na zona de la fiesta en Roces.

Pages