Actualidá

Feria de Begoña toros Xixón

Foro quier recuperar los toros esti mesmu branu

El númberu 2 de la candidatura de Foro a l’Alcaldía, Jesús Martínez Salvador, confirmó que l’enfotu de la formación ye recuperar los toros esti mesmu branu, pa lo que yá ta trabayando nello. La Feria de Begoña nun se celebró l’añu pasáu col argumentu del estáu nel que ta la plaza.

Estación de tren de Xixón

Xixón cumple 12 años d’estación de tren provisional

El 27 de marzu del 2011 entraba na estación de L’Humedal l’últimu tren depués de más de 150 años de vida útil y treslladábase asina tol tráficu ferroviariu a la provisional de Sanz Crespo. Aína recuerda esti aniversariu, 12 años de provisionalidá, con crítiques a la dexadez col nomáu Solarón y les perdes de ‘Gijón al Norte’.

Honores y Distinciones de la Villa de Xixón 2023

El Plenu ratifica la concesión de la Medaya d’Oru de la Villa a la ‘Semana Negra’

Les decisiones de la xunta de voceros sobre los Honores y Distinciones de la Villa d’esti 2023 y el nomamientu del cronista oficial nuevu ratificáronse por unanimidá en Plenu. La Medaya d’Oru va recibila pa San Pedro la ‘Semana Negra’, mentes que les de Plata son pal Club Balonmano La Calzada, 30 Días en Bici y Australian Blonde.

Compres

El programa Bonos Xixón vive un segundu periodu llueu d’una redistribución de 7.951 de los 16.329 disponibles

Dende’l 24 de febreru, y hasta’l 23 de marzu, tán activos otra vuelta los Bonos Xixón. Al nun escosase toos na primer fase, con 16.329 entá disponibles, fíxose una redistribución ente los 660 negocios participantes pa facilitar el so consumu por parte de los ciudadanos.

Votación Presupuestu Xeneral del Conceyu pal 2023 Xixón en contra

La oposición vota en bloque contra los presupuestos, que se prorroguen

El Plenu estraordinariu del Conceyu de Xixón refugó’l Presupuestu Xeneral del Conceyu pal 2023 presentaos pol equipu de gobiernu municipal. Tolos grupos de la oposición votaron en contra a les cuentes, polo qu’automáticamente se prorroguen les actuales nun añu eleutoral.

ORA Xixón

El TSXA anula la ordenanza de movilidá y los coches ensin etiqueta podrán aparcar na ORA

Los recursos presentaos por Foro y el PP contra la ordenanza de movilidá foron estimaos en parte pol Tribunal Superior de Xusticia d’Asturies (TSXA), que l’anula pola falta de memoria económica. D’esta forma, los vehículos ensin etiqueta ambiental podrán aparcar na zona ORA un añu depués de qu'entrara a valir esta prohibición.

EMTUSA

EMTUSA fai un estudiu pa reordenar les llinies

La previsión ye implantar los cambios "p'ameyorar tiempos y competitividá del serviciu" públicu esti mesmu añu llueu de presentar esta propuesta a coleutivos y ciudadanía.

La empresa Mcrit encargóse de la realización del estudiu a partir del que la Empresa Municipal de Tresportes Urbanos de Xixón, SA (EMTUSA) desendolca la previsión de reordenación de les llinies. Ésti faise a partir d'un análisis de la situación actual, con 19 millones de viaxeros añales y 590 paraes, priorizando los percorríos direutos y más simples con un calter radial.

Reis Magos n'El Muelle recortada

Yá llegaron los Reis Magos

Melchor, Gaspar y Baltasar llegaron en barcu a Xixón y percuerren agora la villa pa saludar a toles neñes y neños. La cabalgata, na que participen más de 1.000 persones, va cubrir una distancia de 3 quilómetros llargos dende Viesques hasta los Xardinos de la Reina.

Pages