Actualidá

Calabaza, Nueche d'Ánimes

Nueche d'Ánimes

Esti miércoles ye la Nueche d’Ánimes, una xornada mui presente na nuesa tradición anque anguaño contaminada pola so versión estauxunidense: Halloween. Pa esta fecha hai previstes delles actividaes en Xixón alredor d’esta folixa de raigón celta na que los espíritus de los muertos tornen al mundu de los mortales.

Ana González ganadora primaries

González va ser la candidata del PSOE a l’alcaldía

Ana González va liderar la llista del PSOE a l’alcaldía de Xixón, agora en manes de Foro. La ex conseyera d’Educación y Cultura superó en 19 votos na segunda vuelta de les primaries a José Ramón Tuero y buscará recuperar pa los socialistes el gobiernu 8 años depués.

Ana González

Ana González y Tuero pasen a la segunda vuelta de les primaries socialistes

Los afiliaos del PSOE van tornar a votar esti domingu’l candidatu del partíu al Conceyu de Xixón nes eleiciones de mayu al nun algamar el 50 por cientu d’apoyos nengún de los trés aspirantes. Ana González y José Ramón Tuero pasaron a esta segunda vuelta.

Convóquense dos beques de formación especializada pa la Oficina de Normalización

El plazu fina'l llunes 22 d'ochobre.

Les beques empobínense a facilitar la formación especializao de persones con titulación de grau, llicenciatura o diplomatura universitaria de delles especialidaes, en materies rellacionaes cola cultura y la llingua asturiana, promoviendo la participación de les persones beneficiaries nos llabores formativos de la Oficina de Normalización Llingüística. Dambes tienen un llargor de doce meses (30 hores selmanales), con incorporación pal mes qu'entra.

Tolos grupos municipales, menos el PP, confirmen el sofitu del Conceyu al Día de la Reciella y a la tresmisión xeneracional

PSOE, Xixón Sí Puede, Izquierda Xunida, Foro y Ciudadanos, esto ye tolos grupos municipales menos el PP, aprobaron nel Plenu del miércoles una declaración institucional d'apoyu al Día de la Reciella y a la tresmisión xeneracional del asturianu. El testu nun propón midida llegal concreta nenguna, como pue ser la cooficialidá.

El Plenu esixe al Gobiernu estatal que roble yá'l conveniu del Plan de Víes

Pon como plazu esti mesmu mes.

Tolos grupos municipales, a esceición del PSOE, que s'astuvo, aprobaron dos iniciatives qu'esixen al Gobiernu estatal que roble'l conveniu del Plan de Víes enantes de que fine esti mes. Esta esixencia vien depués de que'l ministru de Fomentu, José Luis Abalos, afirmara ayeri nel Senáu que'l mesmu dependiera del estudiu informativu en marcha sobre la estación intermodal, que se podría allargar más d'añu y mediu.

VI Día de la Reciella: diversión a esgaya nel Muséu del Pueblu d’Asturies

VI Día de la Reciella: diversión a esgaya nel Muséu del Pueblu d’Asturies

Conciertos, talleres y xuegos van enllenar de diversión el Muséu del Pueblu d’Asturies con motivu del VI Día de la Reciella. La III Entaína, carrera familiar pol asturianu, va abrir la xornada. 

III Día de la Reciella

Apoyu institucional al Día de la Reciella y a la tresmisión xeneracional del asturianu

El Plenu va aprobar la selmana qu’entra una declaración institucional pola que’l Conceyu de Xixón sofita la continuidá del Día de la Reciella y se compromete cola tresmisión xeneracional del asturianu. Esti domingu celébrase nel Pueblu d’Asturies esta xornada familiar al rodiu del idioma.

Cubierta centru salú de Laviada

El Gobiernu va renovar la cubierta del centru de salú de Laviada

Les filtraciones d'agua obliguen a la reparación de la cubierta del centru de salú de Laviada. La Conseyería de Sanidá ta acabante de sacar a concursu les obres de restitución y arreglu de la mesma.

Pages