Actualidá

Xixón tu lugar campaña turística Logitravel

Xixón foi protagonista estos díes en Madrid como destín turísticu

El Grupo Logitravel entamó delles actividaes sobre'l conceyu, poniendo'l focu sobre manera na gastronomía y el FICXixón.

Xixón Turismu algamó un alcuerdu con esta axencia de viaxes pa desendolcar delles aiciones p’amosar en Madrid los munchos atractivos de Xixón. La primera entamóse nos cines Kinépolis, na Ciudad de la Imagen de Madrid, onde s’alluga la Logitravel Store y consistió , enantes de la estrena de la película nueva d'animación sobre 'La Familia Addams', d'un videu de la campaña 'Xixón tu lugar’, amás d'una presentación.

Plenu de Xixón ochobre 2019

El gobiernu algama l’apoyu de Podemos-EQUO p’aprobar les ordenances fiscales y tases pal 2020

L’apoyu de Podemos-EQUO permitió al gobiernu del PSOE y Xixón pela Izquierda sacar alantre les ordenances fiscales y les tases y precios públicos del 2020, ente ellos 'l'IBI pa ricos'. La negociación de los presupuestos va ser el retu siguiente de equipu d’Ana González, pa lo que volverán a buscar el sofitu de la formación morada.

Ríu Piles

La zona ente Les Mestes y la desaguada del Piles, la más contaminada del ríu

El problema de contaminación del Piles ta na zona ente Les Mestes y la desaguada del Piles, apunten dende’l Conceyu. La EMA va revisar el saniamientu de too esti tramu tres los análisis fechos pola empresa cola intención d’iguar esta situación enantes del branu.

FAV Xixón rueda de prensa arramaos Piles animales muertos

Encruz de declaraciones ente vecinos y alcaldesa polos arramaos nel Piles

La FAV denuncia'l desagüe de restos d'escrementos nel ríu'l 21 de setiembre.

Según la versión de la federación qu'axunta a les asociaciones de la zona urbana del conceyu, el Conceyu nun informó de dichu arramáu provocáu por una tormenta y que vencenya cola apaición de pexes y un ave muerta nel Piles a la so llegada a la sablera de San Llorienzu dos díes depués. Ésti allargaríase per una hora, ensin conocer la cantidá del mesmu.

Colexu eleutoral

El censu eleutoral pa les Estatales del 10-P pue consultase nes oficines d’Atención a la Ciudadanía

Hasta’l llunes va tar disponible nes oficines d’Atención a la Ciudadanía el censu eleutoral pa la so consulta. El domingu 10 de payares van celebrase eleiciones al Congresu y el Senáu tres la falta d’alcuerdu pa investir un presidente del Gobiernu estatal.

Desaguada del ríu Piles playa San Llorienzu por Ramón de la Fuente

Prohibíu’l bañu ente les escaleres 11 y 15 tres l’apaición de pexes y un ave muertos

La playa de San Llorienzu ta zarrada al bañu ente les escaleres 11 y 15. L’apaición de peces muertos y un ave na desaguada del ríu Piles lleva al Conceyu a tomar esta midida de manera preventiva hasta que se conoza’l resultáu del análisis del agua tomada nesta zona.

Selmana Europea de la Movilidá 2019 ensin l'asturianu

El topónimu Xixón desapaez na Selmana Europea de la Movilidá

L'asturianu nun ta na cartelería nin nos diferentes coches llétricos d'empreses municipales espuestos na Plaza Mayor.

Aurelio Martín Xixón Central

¿Xixón Central?

El Conceyu estudia la posibilidá d'importar el modelu de Madrid p'amenorgar la polución.

Aurelio Martín, conceyal de Mediu Ambiente y Movilidá, presentó ayeri la Selmana Europea de la Movilidá, a la que se suma Xixón, que se celebra del llunes al domingu 22. Nella anunció que ta estudiando la creación d'una área de baxes emisiones con tráficu llendáu na zona centru de la ciudá, al estilu de 'Madrid Central'.

Perros

El Plenu refuga crear una tasa pa los dueños de perros

Xixón nun va siguir el camín de Zamora y nun va cobrar a los dueños de perros una tasa añal. El Plenu celebráu esti miércoles refugó la propuesta de Foro y aprobó, ente otros asuntos, una modificación presupuestaria de 1,3 millones pa entamar obres urxentes.

Pages