Actualidá

Una marcha na zona oeste va reclamar un futuru p'Asturies

Con salida en Fátima, demanda "emplegu, menos contaminación y lletricidá asequible".

El popular barriu de La Calzada, ún de los más castigaos pola contaminación na ciudá y nel país, va ser sede mañana d'una manifestación baxo'l lema 'Por un futuru p'Asturies'. Ésta ta convocada por La Rede Xixón Oeste xunto a dellos coleutivos del conceyu y busca concienciar sobre trés de les problemátiques principales que sufren tanto los xixoneses como los asturianos.

Vicente Álvarez Areces senador

Álvarez Areces será distinguíu col títulu de Fíu Predileutu de Xixón

Los seis grupos municipales acordaron entrega-y a Vicente Álvarez Areces, de manera póstuma, el títulu de Fíu Predileutu de Xixón, que’l Conceyu nun daba dende’l 2010. La medaya d’oru de la villa, que se va entregar el 29 de xunu, será pal Hospital de Cabueñes.

Yolanda González Huergo y candidatos Ganar Xixón 2019

González Huergo va liderar la candidatura de Podemos pa les eleiciones

Ganó nes primaries del partíu a la diputada Rosa María Espiño por un marxe escasu.

Un total de 1.009 persones participaron nes votaciones telemátiques pa escoyer a la candidata a l’alcaldía y el cuerpu de llista, de les que 509 optaron por Yolanda González Huergo (51,68 por cientu) y 476 por Espiño (48,32 por cientu), con 20 votos en blancu (1,99 por cientu). La ganadora lideraba la candidatura Ganar Xixón 2019, mientres que la diputada facía lo propio con Piensa Xixón.

Retiren d’una piscina municipal la cartelería n’asturianu

Iniciativa pol Asturianu tien constancia de qu’al menos un centru deportivu municipal, en concretu una piscina, retiró la cartelería n’asturianu, lo que provocó protestes d’usuarios. En contraposición a lo qu’asocede con EMTUSA, el Patronatu Deportivu Municipal da pasos atrás na visibilización de la llingua asturiana.

Yolanda González Huergo

Yolanda G. Huergo va encabezar la llista de Ganar Xixón 2019 a les primaries de Podemos

El candidatu de Xixón Sí Puede nel 2015, Mario Suárez del Fueyo, tamién participa nesta llista que compite con Piensa Xixón.

La destacada militante asturianista, xurista y téunicu n'Urbanismu, Yolanda González Huergo, va liderar la candidatura de Ganar Xixón 2019 a les primaries de Podemos que van celebrase del 1 al 5 de febereru de cara a les eleiciones municipales del 26 de mayu. La so principal competidora vas ser la diputada Rosa María Espiño, qu'encabeza la llista Piensa Xixón 2019.

Ríu Piles temporal 23 de xineru del 2019

La zona rural, la más afeutada pol temporal

Cortes de lluz y preocupación pola xuba de les agües del ríu Pinzales y del ríu Peñafrancia son los principales problemes que causó en Xixón el temporal d'agua que vivimos estos díes. El Muro tuvo zarráu pa evitar peligros, al igual que'l parque Isabel la Católica, y sufrió daños provocaos pola fuercia de la mar.

Huergo y Del Fueyo impulsen una llista pa les Primaries de Podemos

Lleva'l nome de Ganar Xixón 2019.

La xurista y téunicu n'Urbanismu Yolanda González Huergo, destacada militante asturianista, y el voceru municipal de Xixón Sí Puede Mario Suárez del Fueyo son los impulsores d'una llista pa les primaries de Podemos Xixón de cara a les municipales del 26 de mayu coles posiciones entovía por definir. Nella apaecen como preinscritos nomes como de Llorián García Flórez, Daniel Fernández Blanco, Inés Mallada, Laura Tuero, Carlos Rodríguez o Ana Carpintero.

Capiella ardiente de Vicente Álvarez Areces Xixón

La capiella ardiente del ex alcalde Álvarez Areces yá ta instalada en Xixón

Vicente Álvarez Areces, alcalde de Xixón ente 1987 y 1999, morrió na madrugada del xueves de sópitu al sufrir un derrame cerebral. El so cadabre, tres velase na Xunta Xeneral pela tarde y na mañana del vienres, llegó sobre'l meudía a la Casa Conceyu, onde s'instaló una capiella ardiente que ta siendo visitada por decenes de persones.

EMTUSA Xixón

Los autobuses nuevos d’EMTUSA dan visibilidá a la llingua asturiana

La Empresa Municipal de Tresportes Urbanos (EMTUSA) ta acabante de presentar cuatro autobuses nuevos Scania Euro 6c que dende la selmana pasada faen la llinia 20 ‘Nuevo Roces-Montevil-Somió (La Pipa). La llingua asturiana tien visibilidá nestos vehículos, que tamién lleven la marca ‘Xixón’ na parte esterior de la carrocería.

Ana María Castaño y Aurelio Martín

Aurelio Martín va volver a encabezar la llista d'IX a la Casa Conceyu

Foi l'únicu candidatu que se presentó a les primaries previstes nun principiu pal día 29.

Izquierda Xunida yá conoz al so cabezaleru pa les eleiciones municipales del 26 de mayu. Va ser Aurelio Martín, que yá liderara la llista de la coalición en 2015, cuando algamó 2 representantes.

Pages