Actualidá

Casa Conceyu de Xixón

Diez formaciones aspiren a llevar l’alcaldía

Un total de diez partíos presenten candidatura pa les eleiciones a l’alcaldía del 26 de mayu, agora en manes de Foro. La formación conservadora ye la única asturiana xunto con Andecha Astur, la candidatura llocal Por Gijón y Izquierda Asturiana (IAS), ésta en coalición con Izquierda Xunida (IX), mentes que Podemos presenta como cabeza de llista a l’asturianista Yolanda G. Huergo.

Cimavilla wikipedia obra de FDV

Visita solidaria a Cimavilla esti sábadu

Toles perres recaudaes van pa la Fundación por la Acción Social Mar de Niebla.

Percorrer el cascu antiguu de Xixón, el barriu de Cimavilla, y al mesmu tiempu ser solidariu. Ye la propuesta pa esti mes d'abril que forma parte del ciclu de visites guiaes solidaries que Xixón Turismu entama nel 2019.

María Luisa Carcedo y Isabel Celaá

El Gobiernu estatal robla’l conveniu del Plan de Víes

Xixón yá ve la lluz al final del túnel. La robla del conveniu del Plan de Víes por parte del Gobiernu estatal pon fin a años d’incertidume con respeuto al soterramientu de les llínees férrees hasta La Calzada, la puesta en marcha del metrotrén y la construcción d’una estación intermodal cercana al Muséu del Ferrocarril.

Manifestación oficialidá 6-A

Xixón sacó'l paragües pa reclamar la oficialidá

La demanda d'oficialidá del asturianu y gallego-asturiano retumbó en too Xixón. Miles de persones, a pesar del agua que cayó mientres tola tarde del sábadu, salieron a la cai pa reclamar la igualdá de los derechos de los falantes d'estes llingües colos de castellanu.

La Calzada torna a salir a manifestase esti xueves

Reclámase "emplegu, salú, vivienda y lluz barato", amás d'intervenciones públiques en sectores estratéxicos éntes les desllocalizaciones d'empreses.

Tres la esitosa convocatoria de febreru baxo'l lema 'Por un futuru p'Asturies', La Rede entama una manifestación nueva na zona oeste de Xixón, nesta ocasión baxo'l nome 'La Calzada en llucha'. Va ser el xueves, a les 19 hores, con salida de Fátima.

Zarru na Casa Conceyu pol Plan de Vïes

Vecinos de Xixón zárrense na Casa Conceyu pa demandar a Sánchez la robla del Plan de Víes

“Pedro Sánchez firma ya” recen los cartelos qu’amuesen a los vecinos zarraos nel salón de plenos de la Casa Conceyu dende esti llunes. Ye la manera de protestar énte los continuos aplazamientos de la robla del conveniu del Plan de Víes y esixir el compromisu del Gobiernu estatal enantes de les eleiciones del día 28.

Rufino Fernández Alonso

Fernández Alonso, representante primeru d'EQUO na llista conxunta con Podemos

La formación ecoloxista va ocupar el puestu 5 de la candidatura liderada por Huergo.

Rufino Fernández Alonso, xixonés de 40 años y miembru d'EQUO dende la so fundación nel 2011, resultó escoyíu na asamblea d'Alternativa Verde por Xixón-EQUO celebrada ayeri como cabezaleru de la formación. Esta formación algamara la selmana pasada un alcuerdu con Podemos pa dir xuntos depués de salise tiempu atrás de la candidatura de xunidá popular Xixón Sí Puede cola que dambos partíos acudieren nes eleiciones del 2015.

La proteición como espaciu históricu de los Xardinos de la Reina condicionará la obra de reforma

La intención de l'Autoridá Portuaria de reformar los Xardinos de la Reina tará condicionada pol calter d'espaciu históricu que tien esta zona nel Catálogu Urbanísticu. Esti aspeutu nun se tuvo en cuenta na llicitación de les obres, como denuncia Izquierda Xunida (IX) basándose nos conocimientos del historiador Héctor Blanco.

Cartelu xornada ‘L’asturianu nel mundu empresarial. Un llabor en comuña’

Xixón pon enfotu nel emplegu del asturianu nel mundu empresarial

La Oficina de Normalización Llingüística, en cumplimientu del Plan de Normalización Llingüística 2016-2019, va poner enfotu esti 2019 nel espardimientu del usu del asturianu nel mundu empresarial. Como primer pasu, va entamar una xornada’l miércoles 3 d’abril nel Antiguu Institutu con un taller práuticu y dos conferencies.

Pablo González Menéndez

El popular Pablo González recibe un anónimu amenazante

Les investigaciones pociales apunten a Luis Venta, secretariu xeneral del PP d'Asturies, como responsable y ye destituyíu por Madrid.

Esta selmana salió a la lluz la esistencia d’una carta anónima al secretariu xeneral del PP de Xixón, Pablo González Menéndez, unviada al despachu popular na Casa Conceyu. Nella recibía amenaces sobre la difusión d’informaciones sobre la so actividá profesional y personal tres acusalu de “timar a los vecinos de Xixón” –emplegóse nésta y n’otra ocasión nel testu’l topónimu tradicional de la ciudá, oficial xunto col castellanu ‘Gijón’–.

Pages