Actualidá

Cabecera manifestación 8-M en Xixón

El 8-M tiñe otra vuelta Xixón de malva

L'asistencia na concentración de la Plaza Mayor del meudía, asina como n'otres del país, amenazaba esti 8-M, Día Internacional de la Muyer, con una manifestación entá más numberosa que la del añu pasáu. Les cifres, sicasí, foron mui superiores, axuntando'l vienres en Xixón a más de 100.000 persones, según la organización.

Pablo Casado, Teresa Mallada y Alberto López-Asenjo

El PP apuesta por López-Asenjo pa encabezar la llista eleutoral

Foi secretariu xeneral de Pesca nesta llexislatura baxo'l mandatu de Mariano Rajoy.

Alberto López-Asenjo va liderar la llista del Partido Popular (PP) nes eleiciones municipales del 26 de mayu. Asina lo decidió'l partíu, anuncia que se confirmó'l martes na visita al país del presidente de la formación, Pablo Casado, pa roblar l'alcuerdu de coalición con Foro pa les Estatales del 28 d'abril.

Álvaro Muñiz

Álvaro Muñiz ye l'escoyíu por Foro pa caltener l'alcaldía

El II Congresu de Foro Xixón escoyó a Álvaro Muñiz como candidatu de Foro a l'alcaldía de Xixón. La formación que gobierna'l conceyu dende hai 8 años afronta'l retu de la salida de Carmen Moriyón tres cumplir l'alcaldesa les dos llexislatures que marquen los estatutos.

El Plenu vota la declaración institucional de sofitu al SNL

A proposición d'Iniciativa pol Asturianu.

Inaciu Galán, presidente del coleutivu, participa esta tarde nel Plenu municipal pa facer una intervención en defensa de la Oficina de Normalización Llingüística, del Plan de Normalización y de la llingua asturiana previa a la votación de la declaración institucional presentada de sofitu al SNL, los sos trabayadores el so llabor normalizador. Ta prevista al rodiu de les 18 hores.

El Conceyu recomienda evitar l'usu del vehículu pola contaminación

Xixón ta n'avisu pola presencia de partícules.

Tras l'activación del Protocolu de Calidá del Aire'l domingu por parte del Gobiernu, el Conceyu de Xixón punxo en marcha la restricción de la circulación de vehículos de más de 3.500 quilos nel área de l'avenida d'Arxentina de 7 a 9 y de 18 a 21 hores, el riegu de carreteres y la prohibición de quemes en tol territoriu. Tamién recomienda a la población evitar l'usu del vehículu particular y utilizar na midida de lo posible'l tresporte públicu o otros medios de trensporte sostenible.

Cartelu manifestación ‘L’asturianu llingua oficial ¡agora!’ 6-A 2019

Xixón va glayar pola oficialidá'l 6 d'abril

La Xunta pola Defensa de la Llingua Asturiana (XDLA) escoyó Xixón pa celebrar una manifestación pola oficialidá del asturianu y del gallego-asturiano cola que tratar de repetir l'ésitu de la entamada l'añu pasáu n'Uviéu. Va tener llugar el sábadu 6 d'abril baxo'l mesmu lema: ‘L’asturianu llingua oficial ¡agora!’.

Una marcha na zona oeste va reclamar un futuru p'Asturies

Con salida en Fátima, demanda "emplegu, menos contaminación y lletricidá asequible".

El popular barriu de La Calzada, ún de los más castigaos pola contaminación na ciudá y nel país, va ser sede mañana d'una manifestación baxo'l lema 'Por un futuru p'Asturies'. Ésta ta convocada por La Rede Xixón Oeste xunto a dellos coleutivos del conceyu y busca concienciar sobre trés de les problemátiques principales que sufren tanto los xixoneses como los asturianos.

Vicente Álvarez Areces senador

Álvarez Areces será distinguíu col títulu de Fíu Predileutu de Xixón

Los seis grupos municipales acordaron entrega-y a Vicente Álvarez Areces, de manera póstuma, el títulu de Fíu Predileutu de Xixón, que’l Conceyu nun daba dende’l 2010. La medaya d’oru de la villa, que se va entregar el 29 de xunu, será pal Hospital de Cabueñes.

Yolanda González Huergo y candidatos Ganar Xixón 2019

González Huergo va liderar la candidatura de Podemos pa les eleiciones

Ganó nes primaries del partíu a la diputada Rosa María Espiño por un marxe escasu.

Un total de 1.009 persones participaron nes votaciones telemátiques pa escoyer a la candidata a l’alcaldía y el cuerpu de llista, de les que 509 optaron por Yolanda González Huergo (51,68 por cientu) y 476 por Espiño (48,32 por cientu), con 20 votos en blancu (1,99 por cientu). La ganadora lideraba la candidatura Ganar Xixón 2019, mientres que la diputada facía lo propio con Piensa Xixón.

Pages