Un mes pa rematar les obres de Pablo Iglesias

La empresa que s’encarga de reformar l’avenida Pablo Iglesias nun entregó la obra nel plazu dau pol Conceyu, el miércoles. L’Ayuntamientu receicionará la selmana viniente la mesma y da cuatro selmanes pa solucionar los posibles defeutos.

Dende’l xueves entama a correr la penalización diaria de 615,95 euros pa l’axudicataria, que tien la previsión de finar con tolos trabayos el xueves. Nesi momentu los téunicos municipales van revisar la obra, que vien recibiendo crítiques vecinales pol so deficiente acabáu.

La previsión municipal ye conceder un mes más pa que la empresa solucione esos defeutos enantes de tomar otres posibles midíes. Con un plazu d’execución de 9 meses, los trabayos que prevíen cambios na rede d’abastecimientu, a cargu de la EMA, y l’ampliación y renovación de les aceres y la creación d’un carril-bus reorganizando los aparcamientos, entamaron en marzu del 2023.

Na semeya, estáu ayeri de les obres nel primer tramu de Pablo Iglesias.