Cultura

El ciclu 'Amosando', qu'ufre conciertos de calter íntimu de grupos y artistes asturianos pa promoción de los sos trabayos nuevos, torna a ufrir dos conciertos en Xixón, que se van grabar esti domingu. Tres L-R y Xaime Martínez llega'l turnu de D'Urria y d'Ún de Grao.

Nacho Vegas lleva de nueves a Xixón la so xira Violética’l 7 de setiembre viniente col cartelu de ‘Entraes escosaes’.

La esposición ‘Voces. La llingua n’Asturies al traviés de los sieglos’ yá ta abierta al públicu nel patiu del Centru de Cultura Antiguu Institutu, onde se va poder visitar hasta'l día 29. El so coordinador ye Xulio Viejo, que la definió como “una referencia importante pa la sociedá asturiana pa conocer el patrimoniu de so”.

Xixón ta en fiestes. Esti vienres arranca la Selmana Grande: siete díes de folixa na que la ciudá va vivir conciertos na Plaza Mayor y la sablera d’El Natahoyo, amás d’actuaciones n’otros puntos de la villa, los Fueos, la Danza Prima y el Restallón o actividaes como la FIDMA.

Na Folixa Intercéltica tamién destaca la presencia del grupu escocés Project Smok y d'Anxo Lorenzo Band dende Galicia.

Un añu más, el Festival de Bandes de Gaites Villa de Xixón torna fiel a la so cita col branu xixonés. La Banda de Gaites Villa de Jovellanos interpretó ayeri los primeros sones de la decimonovena edición del certame en Begoña y mañana, a les 19.30 hores na plaza Italia, va garrar el relevu la Banda de Gaitas Infantil Magüeta.

El festival enfoncáu al punk y al rock celebra la so tercer edición nel recintu de la Llaboral.

Con tolos abonos escosaos –namái queden entraes d'un día–, el Tsunami Xixón comienza güei cola so fola de decibelios. Los estauxunidenses The Offspring repiten depués de la esperiencia d'hai dos años, mentes que mañana van encargase de zarrar el certame los ingleses Kaiser Chiefs y los tamién californianos NOFX.

El patiu del Centru de Cultura Antiguu Institutu va acoyer a partir del 13 d’agostu, y hasta’l día 29, la esposición itineraria ‘Voces. La llingua n’Asturies al traviés de los sieglos’. Ésta fai un percorríu pela historia cultural y social d’Asturies al traviés del llinguaxe.

Arantza Margolles encárgase de la visita.

Xixón Tours, iniciativa qu'entama salíes temátiques n'asturianu guiaes pela ciudá, programa siete de la ruta 'Xixón mete mieu' pa esti mes d'agostu. Ésta trátase de la de más ésitu de les trés que vien ufriendo, como amuesa'l fechu de que s'escosaren toles places disponibles en munches de les sesiones anteriores.

Col final de xunetu lleguen les fiestes de Santana de Granda y, fiel a la cita, la Nueche Celta. Llan de Cubel encabeza’l cartelu de la ventena tercera edición d’esta folixa na Carbayera, que completen Caldo y Os Rabizos, y Eva Tejedor & Les Pandereteres.

Muga o un acústicu con cantares de 'Bestiariu' son dalgunes de les munches opciones qu'ufre l'Arcu Atlánticu nel so tramu final.