La ruta n'asturianu 'Xixón mete mieu' va tener siete salíes n'agostu

|
La ruta n'asturianu 'Xixón mete mieu' va tener siete salíes n'agostu

Arantza Margolles encárgase de la visita.

Xixón Tours, iniciativa qu'entama salíes temátiques n'asturianu guiaes pela ciudá, programa siete de la ruta 'Xixón mete mieu' pa esti mes d'agostu. Ésta trátase de la de más ésitu de les trés que vien ufriendo, como amuesa'l fechu de que s'escosaren toles places disponibles en munches de les sesiones anteriores.

La historiadora, arqueóloga y presentadora del programa 'Historias y misterios' de TPA lleva a los participantes a los llugares históricos de la ciudá onde se produxeron asesinatos, matances, invasiones sangrines, apaiciones de pantasmes y lleendes, permiendo a los presentes el conocer los sitios más escuros, terroríficos y misteriosos de la historia de la ciudá de Xixón. El puntu d'aniciu ye la plaza'l Marqués a les 21 hores y les feches nes que ta programada esta ruta, d'hora y media de llargor, son el martes 6, el vienres 9, el martes 13, el vienres 16, el vienres 23, sábadu 24 y el vienres 30.

Toles visites tienen un costu de 6 euros pal públicu xeneral y de 3 pa los menores de 18 años. Pa participar ye obligatorio inscribise na páxina web de la iniciativa con un día d'antelación, anque'l pagu fadráse al comienzu de la ruta.

 

Contador Estadistiques