Nacho Vegas agota les entraes nel Botánicu
|
30 Agostu, 2019 por Redacción
Nacho Vegas lleva de nueves a Xixón la so xira Violética’l 7 de setiembre viniente col cartelu de ‘Entraes escosaes’.
Va ser con un conciertu nun formatu perespecial nel que tará acompañáu dafechu pola banda y pol Coru Al Altu La Lleva. Amás de les canciones del so trabayu caberu, Violética, tamién van sonar temes de tola carrera del músicu asturianu. El conciertu va allugase na terraza del Xardín Botánicu Atlánticu.
Nacho Vegas espublizó güei una canción nueva cantada n’asturianu, ‘A les rexes de la cárcel’, que va afayase en toles plataformes dixitales.
