Dólmenes y túmulos

El Monte Deva y el Monte Areo son los emplazamientos del conceyu onde atopamos monumentos megalíticos. En concreto, hai presencia de dólmenes y túmulos.

Un túmulu ye una sepultura allombada que llevanta del suelu. Conformen montículos artificiales, yá que los dólmenes sobre los que se llevantaben yera cubierta de tierra y piedra que, en munchos ocasiones, col pasu del tiempu quedaron al descubiertu. El Monte Deva acueye un complexu arqueolóxicu formáu por una docena d’estes edificaciones que vienen estudiándose dende’l 1998. Éstes tán señalizaes, con paneles informativos, pa la so visita.

Otra de les necrópolis en territoriu asturianu más destacada y meyor conservada ye la del Monte Areo. Nel 1990 unos trabayos arqueolóxicos permitieron sacar a la lluz 30 túmulos, repartíos en dos sectores diferentes, a les que se foron sumando otros afayos n’otros puntos del llugar n’años posteriores. El Dolmen de San Pablo y el del Llanu son los más destacaos, que tamién formen parte de rutes entamaes dende’l Conceyu pa dalos a conocer.

Semeya: Túmulu nel Monte Deva.