Cultura

La Oficina de Normalización Llingüística, a comuña cola Rede Municipal de Biblioteques, nun quixo dexar de celebrar el Día de les Lletres Asturianes magar que los actos oficiales tuvieron que treslladase al 2 d’ochobre por cuenta la pandemia de COVID-19. Un xuegu, guíes de llectura, la iniciativa 'Xixón de Novela' y un alcuentru con autores son les propuestes.

El 21 d’abril habríen de celebrase los XVII Alcuentros de la Mocedá cola Llingua, xornada na que los escolinos de Secundaria de Llingua Asturiana celebren actividaes alredor del idioma nel Muséu del Pueblu d’Asturies. La pandemia actual de COVID-19 nun va poder con esta iniciativa, que va desendolcase "#DendeCasa" estos díes gracies a un xuegu virtual basáu nel modelu de cuartu d'escape.

Les y los xixoneses tán cumpliendo estos díes coles midíes preventives pa controlar l’espardimientu del coronavirus SARS-CoV-2. Pa facer más llevadero esta situación a los ciudadanos el Conceyu de Xixón pon en marcha la web #XixónQuedaEnCasa, con versión namái en castellanu, con propuestes pa ocupar el tiempu nesti tiempu de zarru mientres l'estáu d'alarma.

El festival qu’axunta música y ociu nel Recintu Ferial Luis Adaro, Metrópoli, dio anuncia de parte de la programación de la sétima edición, que va celebrase del 26 de xunu al 5 de xunetu. Amaral va encargase de poner el ramu a esta cita destacada del branu nel que tamién tán confirmaos El Barrio o Marlon, ente otros artistes.

Ye Llunes d’Antroxu y Xixón yá ta preparao pa celebrar el día grande d’esta festividá. Miles de xixoneses van salir a la cai amarutaos pa festexar nuna xornada que s’allarga hasta bien entrada la madrugada y que va siguir el martes col entierru la sardina y el Menú d'Antroxu nos restoranes del conceyu.

Les vecines axunten pa comer y pasar una xornada festiva qu'abre l'Antroxu modernu.

Anque l’orixe d’esta folixa pue tar fuera del Antroxu tradicional, esta cita tan asturiana considérase la primer celebración del Antroxu actual. Xixón y La Pola Siero son les villes que nos años últimos caltienen con fuercia esta tradición que caltuvieron per munchos años les cigarreres de la fábrica de tabacos de Cimavilla.

Los visitantes del edificiu van poder consultar la información tamién en castellanu y inglés.

La Llaboral Ciudá de la Cultura incorporó por fin l'asturianu na so cartelería. Recrea ta acabante d'anovala, incorporando l'idioma llariegu.

La Direición Xeneral de Política Llingüística encargóse de la traducción al asturianu de tolos elementos. Nellos asitiase l'idioma xunto al castellanu nun segundu llugar, col inglés nun terceru con un tamañu tipográficu menor.

Xixón yá tien cartelu del Antroxu, que lleva la firma de Juan Diego Ingelmo. La folixa tradicional na so versión moderna va celebrase del 21, depués del Xueves de Comadres, al 25 de febreru, Martes d'Antroxu.

Cola llegada de febreru comienza la ufierta nueva de cursos de la Universidá Popular. En total van ponese en centros municipales y otres instalaciones del Conceyu 153 cursos repartíos en 12 categoríes que van dende ‘Artesanía y artes aplicaes’ a ‘Teatru y danza’.

Una mesa redonda, dos conferencies y un conciertu con un coloquiu al día siguiente conformen el programa d'esti añu.