Cultura

Cultura

Calabazones nel Xardín Botánicu Atlánticu

La Nueche d’Ánimes toma’l Botánicu y El Llano

El 31 d'ochobre les asturianes y asturianos celebramos la Nueche d’Ánimes, festividá que tien orixe nel cambiu d’añu celta o Samhain. Les escueles del conceyu lleven dellos díes decoraes con calabazones afuracaos, el Xardín Botánicu Atlábtucy entama una programación especial y los vecinos d'El Llano ponen la folixa.

Campu Valdés

La visita solidaria d'ochobre va percorrer el Xixón romanu

Toles perres recaudaes nes trés salíes van destinase a la Fundación Hogar San José.

‘Xixón romanu’ ye la propuesta pa esti mes d’ochobre que forma parte del ciclu de visites solidaries que Xixón Turismu entama a lo llargo de 2019. Partiendo de la Oficina d’Información Turística InfoXixón, allugada n'El Fomento, visitaránse les Termes Romanes de Campu Valdés pa siguir la ruta pel barriu de Cimavilla, onde se siguirá'l percorríu de la muralla romana y s'asitiará un pozu que permitió estrayer y almacenar agües soterrañes, y terminar nel Puertu Deportivu.

Lo elemental de los elementos (tabla periódica)

La Oficina de Normalización Llingüística asoleya una tabla periódica n’asturianu

Nel 1869 el químicu rusu Dmitri Ivánovich Mendeléyev ellaboró la primer tabla periódica, qu’organizaba los elementos conocíos na época. Con motivu del 150 aniversariu d’esti avance, la Oficina de Normalización Llingüística asoleya ‘Lo elemental de los elementos’

Cimavilla San Pedro por Enric

El Día Mundial del Turismu celébrase con una visita guiada nocherniega a Cimavilla

El 27 de setiembre conmemórase esta xornada promovida por Naciones Xuníes.

Gijón/Xixón Turismu súmase al Día Mundial del Turismu entamando una visita guiada nocherniega a Cimavilla que va coincidir tamién cola Nueche Blanca. Los asistentes van conocer la historia y les anéudotes del barriu altu, les sos xentes, el so pasáu romanu y marineru, y van visitar la Casa Natal de Xovellanos y les Termes Romanes.

Xardín Botánicu Atlánticu

El Xardín Botánicu Atlánticu entama un programa d'actividaes pa tolos públicos pol equinocciu de seronda

A les 9.50 hores del llunes va tener llugar l'equinocciu de seronda y el Xardín Botánicu Atlánticu prepara numberoses actividaes pa celebralu. Éstes van centrase na xornada del domingu, con entrada llibre a la instalación pa les persones que se treslladen n'autobús.

Amosando con Ún de Grao y D'Urria

Xixón acueye la grabación de conciertos d'Ún de Grao y D'Urria pa 'Amosando'

El ciclu 'Amosando', qu'ufre conciertos de calter íntimu de grupos y artistes asturianos pa promoción de los sos trabayos nuevos, torna a ufrir dos conciertos en Xixón, que se van grabar esti domingu. Tres L-R y Xaime Martínez llega'l turnu de D'Urria y d'Ún de Grao.

Nacho Vegas agota les entraes nel Botánicu

Nacho Vegas agota les entraes nel Botánicu

Nacho Vegas lleva de nueves a Xixón la so xira Violética’l 7 de setiembre viniente col cartelu de ‘Entraes escosaes’.

Xulio Viejo 'Voces' Xixón, con Fernado Padilla y Alberto Ferrao

“'Voces' ye una referencia importante pa la sociedá asturiana pa conocer el patrimoniu de so”, apunta Xulio Viejo

La esposición ‘Voces. La llingua n’Asturies al traviés de los sieglos’ yá ta abierta al públicu nel patiu del Centru de Cultura Antiguu Institutu, onde se va poder visitar hasta'l día 29. El so coordinador ye Xulio Viejo, que la definió como “una referencia importante pa la sociedá asturiana pa conocer el patrimoniu de so”.

La Selmana Grande enllena Xixón de folixa

La Selmana Grande enllena Xixón de folixa

Xixón ta en fiestes. Esti vienres arranca la Selmana Grande: siete díes de folixa na que la ciudá va vivir conciertos na Plaza Mayor y la sablera d’El Natahoyo, amás d’actuaciones n’otros puntos de la villa, los Fueos, la Danza Prima y el Restallón o actividaes como la FIDMA.

Villa de Jovellanos nel XIX Festival de Bandes de Gaites Villa de Xixón

El Villa de Xixón trai bandes de gaites procedentes d'Asturies, Galicia y Breizh

Na Folixa Intercéltica tamién destaca la presencia del grupu escocés Project Smok y d'Anxo Lorenzo Band dende Galicia.

Un añu más, el Festival de Bandes de Gaites Villa de Xixón torna fiel a la so cita col branu xixonés. La Banda de Gaites Villa de Jovellanos interpretó ayeri los primeros sones de la decimonovena edición del certame en Begoña y mañana, a les 19.30 hores na plaza Italia, va garrar el relevu la Banda de Gaitas Infantil Magüeta.

Pages