El Teatru Xovellanos recupera los abonos pal primer trimestre del 2022

Suspendíos cola llegada de la pandemia de COVID-19, los abonos del Teatru Xovellanos tornen a tar disponibles pa los aficionaos a los espectáculos. Dende’l miércoles 8 van ponese a la venta en dos modelos p’acceder a parte de la programación del primer trimestre del 2022: el xeneral d’artes escéniques y l’especial.

El primeru inclúi diez eventos a partir d’un preciu de 143 euros n’entesuelu y 148 en butaca, mentes que’l segundu permite l’accesu a siete por 67 euros. Entrambos cuenten con un 30 por cientu de descuentu sobre’l preciu orixinal.

Pa mercalos y escoyer la butaca deseada hai qu’acudir dende mañana al martes vinientes al propiu teatru n’horariu de 12 a 14 y de 17.30 a 20.30 hores. Tamién ye posible facer la operación en llinia na web municipal rellenando un formulariu.

El miércoles 15 yá se van poner a la venta les entraes sueltes pa los eventos incluyíos nos abonos. Nesti trimestre del 2022 amás va pasar peles tables del Xovellanos artistes de la talla de Carles Sans de Tricicle, Leo Bassi, Carlos Núñez, Nacho Vegas o’l dúu L-R, hasta sumar un total de 53 espectáculos.