El calendariu del Pueblu d’Asturies y la Oficina de Normalización muestra esti 2021 el Xixón de los 60

Si nel 2020 pudimos recordar o conocer cómo yera’l Xixón de los 50, el calendariu qu’edita a comuña’l Muséu del Pueblu d’Asturies y la Oficina de Normalización Llingüística fai esti 2021 lo propio con imáxenes de los 60. Compónenlu un total de doce escenes que, al traviés d'un códigu QR, pueden comparase cola actualidá.

La Rula coles sos pescaderes, El Muelle, El Musel, la Fábrica de Moreda, la Llaboral, una folixa n’El Jardín na que rescampla la so famosa xaula o’l propiu Muséu del Pueblu d’Asturies son dalgunos de los llugares qu’apaecen nel calendariu. Caún va protagonizar un mes con tolos testos n’asturianu, acompañaos na parte inferior por un refrán.

Tamién incopora un códigu QR con datos sobre’l llugar y semeyes actuales pa poder comparar el pasu de los años. Constantino Suárez, Pedro Alonso Rebollar, Francisco Ruiz-Tilve, Mario Pascual o Manuel Encinas son dalgunos de los autores d’estes imáxenes que pertecen a los fondos y coleiciones del muséu.

El calendariu, que lleva’l nome de ‘Xixón. Años 60’, pue recoyese de baldre na sede la Oficina de Normalización Llingüística na entrada del Antiguu Institutu o nel Muséu del Pueblu d’Asturies. Namái va repartise ún per persona.

Na imaxe, páxina correspondiente al mes de xineru nel que se pue ver El Musel nel añu 1965. El autor d'esta fotografía ye desconocíu.