El centru de salú de Laviada cuenta con cubierta nueva que fina coles filtraciones d'agua

|
Centru de salú de Laviada

Les filtraciones d’agua yá nun van ser problema nel centru de salú de Laviada. Les obres de reparación d’esta instalación que comenzaron avanzada la seronda yá tán terminaes y el diseñu del teyáu nuevu permite solucionar los defeutos del anterior.

Con más de dos décades de vida, esti ambulatoriu igua asina problemática. L’actuación consistió na reparación integral del teyáu, yá que l’estáu anterior de la cubierta favorecía les filtraciones pola pendiente escasa y una rede d’evacuación de les agües pluviales insuficiente.

Estos defeutos causaron daños na estructura qu’obligaron a sustituyila por una nueva, con un diseñu reformáu de les baxantes que facilita la recoyida del agua. El costu de les obres foi de 300.000 euros, intervención que contó con financiación de la Xunión Europea al traviés del Fondu Européu de Desarrollu Rexonal (Feder).

Contador Estadistiques