Nun va haber Festival Arcu Atlánticu nel 2020

El PSOE considera que ta mal plantegáu y va dedicar el so presupuestu a la promoción de la cultura tradicional y llingua asturiana.

Alberto Ferrao, conceyal d'Educación y Cultura, asina lo confirmó al restu de fuercies na so comparecencia presupuestaria, una decisión que nun presta a Foro, creador del Festival Arcu Atlánticu nel 2012, nin a Podemos-EQUO. La coalición anunció que diba solicitar na Comisión de Cultura próxima “l’informe téunicu de los servicios culturales qu’avala la decisión d’eliminar esta actividá de la programación cultural de Xixón”.

La so edil, Alba González Sanz, critica la postura socialista y apunta que "la solución valiente quiciabes fora remodelalu y convertir a Xixón nel referente que merece ser”. Amás, considera que que’l conceptu del festival, "dende'l nome, ufre grandes posibilidaes pa Xixón".