La militancia d'Izquierda Xunida refuga dir en coalición con Podemos

|
Faustino Sabio vota consulta IX Xixón coalición Podemos

Un 75,37 por cientu rechazó esta posibilidá.

El domingu la militancia d'Izquierda Xunida (IX) taba llamada a acudir a les urnes pa responder la entruga siguiente: '¿Quieres que Izquierda Unida de Xixón vaya en coalición con Podemos en las próximas elecciones municipales?'. La respuesta mayoritaria foi 'No', con un 75,37 por cientu, por un 12,32 por cientu pal 'Sí'.

La participación foi del 52,84 por cientu, con un 1,47 por cientu por cientu de votos en blancu y un 10,84 por cientu de persones qu'optó pola tercera opción, l'astención. Faustino Sabio, coordinador d'IX en Xixón, destacó que los resultaos foron mui asemeyaos a los de la consulta nacional de xunu y señaló que la coalición "participará nuna amplia confluciencia cola ciudadanía y el texíu políticu, sindical y social de la ciudá”.

Na semeya, Sabio nel momentu de votar, col voceru del grupu municipal d'IX, Aurelio Martín, detrás.

Contador Estadistiques