Huergo y Del Fueyo impulsen una llista pa les Primaries de Podemos

Lleva'l nome de Ganar Xixón 2019.

La xurista y téunicu n'Urbanismu Yolanda González Huergo, destacada militante asturianista, y el voceru municipal de Xixón Sí Puede Mario Suárez del Fueyo son los impulsores d'una llista pa les primaries de Podemos Xixón de cara a les municipales del 26 de mayu coles posiciones entovía por definir. Nella apaecen como preinscritos nomes como de Llorián García Flórez, Daniel Fernández Blanco, Inés Mallada, Laura Tuero, Carlos Rodríguez o Ana Carpintero.

La diputada Rosa María Espiño va ser la principal competidora d'esta corriente dientro de Podemos. Les primaries van celebrase del 1 al 5 de febereru.