La zona rural, la más afeutada pol temporal

Cortes de lluz y preocupación pola xuba de les agües del ríu Pinzales y del ríu Peñafrancia son los principales problemes que causó en Xixón el temporal d'agua que vivimos estos díes. El Muro tuvo zarráu pa evitar peligros, al igual que'l parque Isabel la Católica, y sufrió daños provocaos pola fuercia de la mar.

La zona occidental del conceyu ye la más afeutada, con zones inundandes y cortes de lluz. L'estáu del ríu Pinzales esmolez a los vecinos, al igual que na fastera oriental el Peñafrancia, sobre manera al so pasu xunto a la Escuela Politéunica d'Inxeniería (EPI), que l'añu pasáu yá vivió les consecuencies de fuertes lluvies nel mes de xunu.

Na ciudá, los daños concentráronse n'El Muro, que tuvo zarráu pa evitar que les persones s'averaren a la mar mientres el temporal, que dexó foles de siete metros. Tamién se zarró'l parque Isabel la Católica, col Piles a piques de desbordase.

Na semeya, estáu del ríu Piles na tarde d'ayeri.