El Plenu vota la declaración institucional de sofitu al SNL

A proposición d'Iniciativa pol Asturianu.

Inaciu Galán, presidente del coleutivu, participa esta tarde nel Plenu municipal pa facer una intervención en defensa de la Oficina de Normalización Llingüística, del Plan de Normalización y de la llingua asturiana previa a la votación de la declaración institucional presentada de sofitu al SNL, los sos trabayadores el so llabor normalizador. Ta prevista al rodiu de les 18 hores.

La Oficina de Normalización Llingüística ta acabante de cumplir 15 años de vida, polo qu'Iniciativa pol Asturianu considera que ye un bon momentu pa que los grupos municipales faigan un sofitu públicu al mesmu depués de los ataques que recibió nos meses últimos por parte del PP. Pablo González Menéndez, voceru municipal popular, llegó a afirmar que l’asturianu nun tenía demanda social nel conceyu y que los que quixeren ‘imponer’ l’idioma llariegu diben facelo “perriba del nuesu cadabre”.

Les intervenciones y la votación va poder siguise en direuto al traviés d'esti enllaz.