Actualidá

La Conseyería d'Industria, Emplegu y Promoción Económica confirmó les fiestes llocales de tolos conceyos del país.

Dende'l domingu 26, fecha afitada pol Gobiernu estatal pa empezar a relaxar les restricciones pol estáu d’alarma pola pandemia de COVID-19, neñes y neños que vivan cerca van poder pasiar peles sableres urbanes. El Conceyu de Xixón tamién va abrir parques y espacios verdes, a esceición de los xuegos infantiles.

El Plan d’Actuación pa la Detección y el Control de la Aviespa Asiática permitió la instalación de 250 trampes pa frenar la espansión d’esta especie invasora. Instaláronse nos puntos onde ye más factible la so presencia y van revisase nes selmanes próximes cada 15 díes.

L'edil de Podemos-EQUO siguió'l Plenu nun portátil dende'l salón de receiciones.

Les condiciones nueves del estáu d’alarma por cuenta de la pandemia de COVID-19 permiten a EMULSA, que sigue coles xeres de hixenización, retomar el mantenimientu y siega de parques y xardinos del conceyu. Tamién s’abrió otra vuelta’l puntu llimpiu de Roces tres un mes colos cuatro que cuenta Xixón pesllaos.

El Plenu del día 15 va celebrase de manera telemática pol estáu d'alarma pola COVID-19.

Tres la suspensión del de marzu, un cambiu na Llei de Bases de Réximen Llocal entamada pol Gobiernu estatal va permitir a la conceyos recuperar l'actividá plenaria. Va ser nuna selmana y nél va tomar posesión Juan Miguel Chaves como conceyal.

Un bandu del Conceyu llenda a 3 les vegaes nes que se pue sacar a estes mascotes al día.

La Unión de Cooperativas Forestales de Asturias va encargase dende esti martes de la execución del Plan d’Actuación pa la Detección y el Control de la Aviespa Asiática. Van colocase trampes en 200 puntos del conceyu pa lluchar contra esta especie invasora.

Va disponer de 144 cames nel pabellón central pa tratar a persones con COVID-19.

El conseyeru de Salú, Pablo Ignacio Fernández Muñiz, treslladó'l martes pasáu a la Cámara de Comerciu de Xixón la posibilidá de facer usu de les sos instalaciones pa la instalación d'un hospital de campaña. Dende esi momentu púnxose en marcha tola infraestructura pa que nos díes próximes pueda tar disponible.

“Ye importante qu’ente tol mundu caltengamos la llimpieza de les nueses cais”, apuntó Ana González nun de los comunicaos que ta faciendo con motivu del mandáu de quedar en casa pola pandemia de COVID-19. EMULSA ta detectando basura llanzada dende les ventanes, polo que l'alcaldesa llama “a nun tirar porquería”.