El Recintu Ferial Luis Adaro va ser sede d'un hospital de campaña

Va disponer de 144 cames nel pabellón central pa tratar a persones con COVID-19.

El conseyeru de Salú, Pablo Ignacio Fernández Muñiz, treslladó'l martes pasáu a la Cámara de Comerciu de Xixón la posibilidá de facer usu de les sos instalaciones pa la instalación d'un hospital de campaña. Dende esi momentu púnxose en marcha tola infraestructura pa que nos díes próximes pueda tar disponible.

Ayeri llegaron dende Carreño un centenar de colchones cedíos pol Conceyu. En total van tar a disposición de les autoridaes sanitaries 144 cames pa los pacientes menos graves nel casu de que sían necesaries y facilitar la xestión de la crisis por cuenta de la pandemia de coronavirus SARS-CoV-2.

Semeya obra de Sarmad Yaseen baxo llicencia CC BY-SA 4.0.