Les sableres urbanes abren pa la reciella

Dende'l domingu 26, fecha afitada pol Gobiernu estatal pa empezar a relaxar les restricciones pol estáu d’alarma pola pandemia de COVID-19, neñes y neños que vivan cerca van poder pasiar peles sableres urbanes. El Conceyu de Xixón tamién va abrir parques y espacios verdes, a esceición de los xuegos infantiles.

L’usu de San Llorienzo, El Natahoyo y L’Arbeyal va ser esclusivu para los paseos de los menores. En nengún caso va permitise l’accesu de los perros a les mesmas, que namái pueden salir a 200 metros de distancia del domiciliu, como hasta agora.

El Conceyu toma esta decisión al considerar que los espacios abiertos son los llugares afayadizos pal espardimiento de la reciella, calteniendo siempre les midíes de seguridá esixíes nesti estáu d’alarma. Asina, los menores de 14 años podrán salir a la cai una hora al día, ente les 9 y les 21 hores acompañaos en tou momentu por una persona adulta que conviva con ellos, con un máximo de trés menores por mayor d’edá, siempre a una distancia menor d’un quilómetru dende’l so domiciliu.

Les neñes y neños que vivan en entornos rurales podrán salir a pasiar pel campu, respetando igualmente el distanciamientu.

Na semeya, sablera de San Llorienzu con vida nuna imaxe d'archivu.