La primer fase de la campaña contra l’aviespa asiática fina con 250 trampes instalaes

El Plan d’Actuación pa la Detección y el Control de la Aviespa Asiática permitió la instalación de 250 trampes pa frenar la espansión d’esta especie invasora. Instaláronse nos puntos onde ye más factible la so presencia y van revisase nes selmanes próximes cada 15 díes.

Ente’l 31 de marzo y el 3 d’abril procedióse al desendolcu d’esta primer fase del plan, del que s’encarga la Unión de Cooperativas Forestales de Asturias por encargu del Conceyu de Xixón. El sábadu pasáu, mentes, yá se procedió a la primer revisión de les trampes, que se va allargar dellos díes.

Les 250 trampes tán colocaes nos principales parques de la ciudá; nos ríos Pilón (Tremañes–Pedrera) y Piles, zones d’accesu de la aviespa asiática al cascu urbanu; y nes árees calientes de Somió y Deva, nos que l’añu pasáu se retiraren un númberu importante de niales. Precisamente la segunda fase del Plan, que va comenzar en mayu, va dedicase nun primer momentu a finar colos embrionarios, hasta’l mes d’agostu.

Les persones que quieran consultar los puntos de colocación de les trampes van poder facelo n’aplicación web y móvil del Gobiernu dedicada a la Vespa vetulina nigrithorax.