Les salíes con perros, nunca más lloñe de 200 metros de la vivienda

Un bandu del Conceyu llenda a 3 les vegaes nes que se pue sacar a estes mascotes al día.

Siguiendo'l mesmu camín qu'otros munchos ayuntamientos, el de Xixón decidió tomar midíes pa frenar l'escesu que facíen dalgunos ciudadanos aprovechando la posesión de perros p'allargar les salíes pa qu'éstos fixeren les sos necesidaes fisiolóxiques. "Nun podemos falar de paseos", apuntó l'alcaldesa Ana González.

Asina los dueños como muncho van poder alloñase a 200 metros de la so vivienda mientres dure l'estáu d'alarma por cuenta la pandemia de coronavirus SARS-CoV-2 y han de dir provistos como una botella con agua y deterxente pa llimpiar los mexos. El númberu de salíes lléndase a 3 diaries y los perros nun van poder tener contautos con otros animales.